কিছু অপ্ৰত্যাশিতভাৱেই ৰেপো ৰেট ৫০ বেছিছ পয়েণ্ট কমালে ৰিজাৰ্ভ বেংক অফ ইণ্ডিয়াই৷ ইয়াৰ ফলত ৰেপো ৰেট কমোৱা হৈছে ৫.৫ শতাংশ৷ ৰিজাৰ্ভ বেংক অফ ইণ্ডিয়াই বেংকসমূহক যি হাৰত সুদ দিয়ে তাকেই কোৱা হয় ৰেপো ৰেট৷ আৰ বি আইৰ গভৰ্নৰে জনাইছে যে মুদ্ৰাস্ফীতিৰ হাৰ নিয়ন্ত্ৰণৰ মাজত থকাৰ কাৰণেই ৰেপো ৰেট ইমান কমাই দিছে ৰিজাৰ্ভ বেংক অফ ইণ্ডিয়াই৷ ৰিজাৰ্ভ বেংকৰ ৰেপো ৰেট কমোৱাত সাধাৰণ বেংকসমূহে সেই সাধাৰণ ঋণ গ্ৰহীতাকো ইএমআইৰ ধন কমাবলৈ বাধ্য হৈছে৷ ফলত ৰেপো ৰেট কমোৱা মানেই সাধাৰণ ই এম আইৰ সুদৰ হাৰ কমিল৷ ফলত দীৰ্ঘম্যাদি ভিত্তিত যিসকলে ঋণ লৈছে তেওঁলোকৰ মাহিলী কিস্তিৰ পৰিমাণো কিছু কমিছে৷ বিশেষকৈ গৃহঋণ, গাড়ী ক্ৰয়ৰ বাবে লোৱা ঋণ আৰু পাৰ্ছনেল ঋণৰ মাহিলী কিস্তি কিছু কমিছে৷
কিমান কমিব পাৰে EMI?
ধৰা হ’ল HDFC বেংকৰ পৰা কোনোৱে ৩০ বছৰৰ বাবে ৮.৭০ শতাংশ হাৰত ৫০ লাখ টকা ঋণ লৈছে? এই হিচাপত মাহিলী কিস্তি দিব লাগে ৩৯,১৩৬ টকা৷ ৫০ বেচিচ পয়েণ্ট কমোৱাৰ পাছত সুদৰ হাৰ হব ৮.২০শতাংশ৷ ইয়াৰ ফলত নতুন EMI হব ৩৭৩৪৬ টকা৷ ফলত মাহিলী ৰেহাই হব ১৭৯০ টকা৷ বাৰ্ষিক ৰেহাই হব ২১,৪৮০ টকা৷
পাৰ্ছনেল ঋণত কিমান ৰেহাই?
ধৰা হ’ল ৫ বছৰৰ বাবে কোনোৱে ১২ শতাংশ সুদত ৫ লাখ টকা ঋণ লৈছে৷ ইমান দিনে EMI দিবলগীয়া হৈছে ১১,১২২ টকা৷ ৫০ বেচিচ পয়েণ্ট কমাত সুদৰ হাৰ হব ১১.৫০ টকা৷ ৫০ বেচিচ পয়েণ্ট কমাত সুদৰ হাৰ হৈছে ১১.৫০শতাংশ৷ ইয়াৰ ফলত নতুন ইএম আই হৈছে ১০,৯৬৩টকা৷ মাহিলী ৰেহাই হব ১৫৯ টকা৷ EMIৰ কিস্তিত কিমান টকা ৰেহাই হব সেই হিচাপ সম্পূৰ্ণৰূপে নিৰ্ভৰ কৰিব প্ৰতিটো বেংকৰ ওপৰত আৰু তেওঁলোকে গ্ৰাহকৰ ওপৰত কিমান শতাংশ সুদ ধৰিছে সেই হিচাপৰ ওপৰত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
