প্ৰকৃত প্ৰেমিক অন্যহে! পোহৰলৈ আহিছে আন এজনৰ নাম
ৰাজা ৰঘুবংশী হত্যাকাণ্ডত পোহৰলৈ আহিছে এইবাৰ আন এক নতুন নাম। যাৰ ফলত অধিক জটিল হৈ পৰিছে ঘটনা। পোহৰলৈ অহা খবৰ অনুসৰি সোনম ৰঘুবংশীৰ প্ৰেমিক ৰাজ কুশৱাহা নহয় বৰঞ্চ আন এক যুৱকহে। এই সমস্ত ঘটনাত ৰাজ কেৱল এক মোহৰা, যাৰ নাম লৈ খেল খেলি আছে সোনমে।
এইবাৰ পোহৰলৈ অহা নাম হাৱালা নেটৱৰ্কৰ সৈতে জড়িত জিতেন্দ্ৰ ৰঘুবংশী। আৰক্ষীয়ে ইতিমধ্যে তথ্য লাভ কৰিছে এই সন্দৰ্ভত। তদন্তত প্ৰকাশ পাইছে যে ৰাজ আৰু জিতেন্দ্ৰই হাৱালাৰ জৰিয়তে লেনদেন কৰিছিল।
জিতেন্দ্ৰৰ নামত চাৰিটা বেংক একাউণ্টত লাখ লাখ টকাৰ সন্দেহজনক লেনদেন উদ্ধাৰ কৰিছে আৰক্ষীয়ে। জিতেন্দ্ৰ ৰঘুবংশী মধ্যপ্ৰদেশৰ দেৱাছৰ বাসিন্দা বুলি জানিব পৰা গৈছে। ৰাজ কুশৱাহাৰ বেংক একাউণ্টৰ তদন্তৰ সময়ত জিতেন্দ্ৰ ৰঘুবংশীৰ নামত লাখ লাখ টকাৰ লেনদেন লিংক কৰা দেখা গৈছে।
যাৰ বাবে সন্দেহ কৰা হৈছে ৰাজ নহয় জিতেন্দ্ৰ সোণমৰ প্ৰকৃত প্ৰেমিক হ’ব পাৰে। অৱশ্যে এই দাবী আনুষ্ঠানিকভাৱে নিশ্চিত হোৱা নাই। মেঘালয় আৰু মধ্যপ্ৰদেশ আৰক্ষীয়ে বৰ্তমানে জিতেন্দ্ৰ ৰঘুবংশীৰ সন্ধানত নামি পৰিছে।
একাংশ লোকে এক্স পোষ্টত জিতেন্দ্ৰক সোণমৰ প্ৰেমিক আৰু এই হত্যাকাণ্ডৰ মাষ্টাৰমাইণ্ড বুলি অভিহিত কৰিছে। কিন্তু আৰক্ষীয়ে এই কথা এতিয়াও নিশ্চিত কৰা নাই। ৰাজ কুশৱাহাক এতিয়াও মূল ষড়যন্ত্ৰকাৰী বুলি ধাৰণা কৰা হৈছে।
সম্ভৱতঃ হত্যাকাণ্ডৰ বাবে ধন আগবঢ়োৱাত জিতেন্দ্ৰই ভূমিকা লৈছিল বা হাৱালা নেটৱৰ্কৰ অংশ আছিল। জিতেন্দ্ৰৰ নাম চৰ্চালৈ অহাৰ লগে লগে প্ৰশ্ন উত্থাপন হৈছে যে সোণম আৰু ৰাজ কুশৱাহা বৃহত্তৰ নেটৱৰ্কৰ অংশ আছিল নে জিতেন্দ্ৰৰ ভূমিকা কেৱল আৰ্থিক আছিল। জিতেন্দ্ৰ ৰঘুবংশী এতিয়াও পলাতক হৈ থকাৰ বাবে আৰক্ষীয়ে সন্ধানত নামি পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
