পিতৃপক্ষক এক অত্যন্ত গুৰুত্বপূৰ্ণ সময় হিচাপে ধৰা হয়৷ এই সময়ক পূৰ্বপুৰুষৰ আত্মাৰ শান্তি আৰু তেওঁলোকৰ বাবে পুণ্য অৰ্জনৰ বিশেষ সময় বুলি ধাৰণা কৰা হয়৷ বিশেষ পূজা আৰু তৰ্পণৰো আয়োজন কৰা হয়৷ এই সময়ত বহুতেই সপোনত বিভিন্ন প্ৰাণী দেখা পায়৷ জ্যোতিষশাস্ত্ৰত এই ধৰণৰ সপোনক পূৰ্বপুৰুষৰ অসন্তুষ বা তেওঁলোকৰ বাৰ্তাৰ প্ৰতীক হিচাপে বাখ্যা কৰা হয়৷ এই সপোন অৱচেতন মনৰ বাৰ্তা নহয় এই বাৰ্তা আমাৰ কৰ্ম আৰু পূৰ্বপুৰুষৰ প্ৰত্যাশাৰ সৈতে গভীৰভাৱে জড়িত৷ যদি শ্ৰাদ্ধ আৰু তৰ্পন যথাযথভাৱে সম্পন্ন নহয় তেতিয়া এই সংকেত আৰু স্পষ্টভাৱে প্ৰকাশ পায়৷
পিতৃপক্ষত সাপৰ সপোন
সপোনত সাপ দেখা সতৰ্কবাৰ্তা আৰু শক্তিৰ প্ৰতীক হিচাপে বিবেচিত হয়৷ শাস্ত্ৰমতে পিতৃপক্ষৰ সময়ত যদি আপুনি সপোনত সাপ দেখে তেন্তে ইংগিত দিব পাৰে যে আপোনাৰ পূৰ্বপুৰুষ আপোনাৰ প্ৰতি অসন্তুষ্ট৷ সম্ভাব্য কাৰণ হব পাৰে যে আপুনি তেওঁলোকক সঠিকভাৱে তৰ্পণ সম্পন্ন কৰা নাই৷ এই সময়ত তেনে সপোন দেখাটোৱে আপোনাক স্মৰণ কৰাই দিয়ে যে আপোনাৰ নিজৰ কৰ্মসমূহ আকৌ উচিতভাৱে জুঁকিয়াই চোৱা আৰু দ্ৰুত সংশোধন কৰাৰ প্ৰয়োজন৷
পিতৃপক্ষত কাউৰীৰ সপোন
হিন্দুশাস্ত্ৰত কাউৰীক সাধাৰণতে পূৰ্বপুৰুষৰ উপস্থিতি আৰু বাৰ্তাৰ প্ৰতীক হিচাপে ধৰা হয়৷ পিতৃপক্ষৰ সময়ত সপোনত কাউৰী দেখা শুভ লক্ষণ নহয়৷ ইয়াৰ মানে হৈছে আপোনাৰ পূৰ্বপুৰুষ এতিয়াও তৃপ্ত হোৱা নাই আৰু তেওঁলোকে আত্মাৰ শান্তিৰ সন্ধানত আছে৷ এই ধৰণৰ সপোনে ইংগিত দিয়ে যে আপুনি শ্ৰাদ্ধ আৰু তৰ্পণৰ আচাৰ অনুষ্ঠানত মনোযোগ দিব লাগে৷
পিতৃপক্ষত মেকুৰীৰ সপোন
পিতৃপক্ষৰ সময়ত সপোনত মেকুৰী দেখাটো অশুভ আৰু সতৰ্কবাৰ্তাৰ প্ৰতীক বুলি ধাৰণা কৰা হয়৷ যদি এই সময়ত সপোনত মেকুৰী দেখা যায় তেতিয়া পূৰ্বপুৰুষৰ অসন্তুষৰ ইংগিত হব পাৰে৷ বহু সময়ত সপোনত মেকুৰীয়ে কান্দিলে ভৱিষ্যতে কোনো ডাঙৰ ঘটনা ঘটিব পাৰে৷ সেয়ে এই সময়ত পিতৃদোষ মোচনৰ বাবে বিশেষ পূজা আৰু আচাৰ পালন কৰা অত্যন্ত জৰুৰী৷
পিতৃপক্ষত শগুনৰ সপোন
শগুনৰ সপোন অত্যন্ত গুৰুতৰ৷ ই মৃত্যু, পৰিবৰ্তন আৰু কঠিন সতৰ্কবাৰ্তাৰ প্ৰতীক৷ পিতৃপক্ষত সপোনত শগুন দেখা মানে আপোনাৰ পুৰ্বপুৰুষ অসন্তুষ্ট আৰু তেওঁলোকৰ আত্মাই শান্তি পোৱা নাই৷ ই ইংগিত কৰে যে শ্ৰাদ্ধ বা তৰ্পণৰ কৰ্মত কোনো ঘাটি ৰৈ গৈছে অথৱা পৰিয়ালৰ মাজত কিছু ভুল হৈছে৷ সেয়ে এনে সপোনক গুৰুত্বসহকাৰে লোৱা উচিত আৰু পূৰ্বপুৰুষৰ সন্তুষ্টিৰ বাবে বিশেষ পূজা, তৰ্পণ বা শ্ৰাদ্ধ কৰা প্ৰয়োজন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
