সংখ্যাতত্ব বা নিউমাৰলজিৰ দৃষ্টিকোণৰ পৰা ২০২৫ চনৰ ৯ ছেপ্টেম্বৰৰ দিনটোক বিশেষ বুলি গণ্য কৰা হয়৷ এই দিনটোত এটা আচৰিত আৰু বিৰল কাকতলীয়া সংযোগ সৃষ্টি হব৷ যাক কোৱা হৈছে ৯ঃ৯ঃ৯৷ ৯ সংখ্যাটোক সিদ্ধতা, আধ্যাত্মিকতা, জাগৰণ, কৰ্ম আৰু নতুন আৰম্ভণিৰ ফলত প্ৰতীক হিচাপে গণ্য কৰা হয়৷ এই সংখ্যা তিনিবাৰ একেলগে থাকিলে ইয়াৰ প্ৰভাৱ আৰু বাঢ়ে৷ এইবাৰ ৯ তাৰিখ ছেপ্টেম্বৰ মাহ অৰ্থাৎ ৯ নম্বৰ মাহ আৰু ২০২৫ বৰ্ষ ২,০,২,৫ যোগ কৰিলে যোগফলো হয় ৯৷ অৰ্থাৎ দিন মাহ তাৰিখ সকলো ৯ লৈ গঠন কৰা বিশেষ যোগত পৰিছে মঙলবাৰ৷ এই দিনটোত আপুনি মনত ৰখা যিকোনো ইচ্ছা পূৰণৰ বাবে প্ৰাৰ্থনা কৰে তেন্তে আপুনি শুভ ফল নিশ্চয় লাভ কৰিবই৷
জ্যোতিষশাস্ত্ৰৰ মতে এই দিনটোৱে মহাজাগতিক শক্তিৰ সৈতে সংযোগ স্থাপন কৰি আপোনাৰ সপোন আৰু ইচ্ছাক বাস্তবায়িত কৰাৰ এক উৎকৃষ্ট সুযোগ প্ৰদান কৰিছে৷ জ্যোতিষ বিশেষজ্ঞসকলৰ মতে ৯ ছেপ্টেম্বৰত এই বিশেষ যোগত ৰৈ যোৱা বহু কাম, পুৰণি বান্ধোনৰ পৰা মুক্তি আৰু আধ্যাত্মিক শক্তি জাগ্ৰত কৰাৰ সময়৷ এই দিনটোৱে আধ্যাত্মিক অনুশীলন, ধ্যান, দৃঢ়তা আৰু ইতিবাচক চিন্তাৰ সৈতে সংযোগ স্থাপন কৰি আপোনাৰ ইচ্ছাক বাস্তৱত পৰিণত কৰাৰ বাৰ্তা প্ৰদান কৰে৷
সংখ্যাতত্ত্বত ৯ নম্বৰটো নিখুঁততাৰ সৈতে জড়িত, গতিকে এই দিনটোত ভগৱানৰ ওচৰত আপুনি যি বিচাৰে সেয়া পূৰ্ণ হোৱাৰ সম্ভাৱনা বাঢ়ে৷ এই সময়তে আপুনি পুৰণি কাম শেষ কৰি নতুন কামৰ বাট মুকলিৰ বাবে প্ৰাৰ্থনা কৰিব পাৰে৷ বিফলতাক ঠেলি নতুন আৰম্ভণি, ইতিবাচক পৰিবৰ্তন আৰু সপোন বাস্তবায়িত কৰাৰ সময় এয়া৷
৯ ছেপ্টেম্বৰত Manifestation কেনেকৈ কৰিব?
আপুনি যদি কোনো ইচ্ছাপূৰণৰ বাবে এই দিনটোত বিশেষ কিবা কৰিব খুজ্ছে তেন্তে ইয়াৰ বাবে আপোনাক প্ৰয়োজন হ’ব তেজপাতৰ৷ ৫খন তেজপাত লৈ আপোনাৰ ইচ্ছাসমূহ মাৰ্কাৰ বা স্কেছপেনেৰে তাত লিখি অগ্নিত আহুতি দি প্ৰাৰ্থনা কৰক৷ মনৰ ইচ্ছা পূৰণ হব আপোনাৰ৷
(এই প্ৰতিবেদন জ্যোতিষশাস্ত্ৰৰ আধাৰত লিখা হৈছে৷ ইয়াৰ সত্যাসত্য অসম লাইভ২৪য়ে বিশ্লেষণ কৰি চোৱা নাই৷ কোনো জ্যোতিষীক সুধিয়ে যিকোনো সিদ্ধান্ত গ্ৰহণ কৰিব৷)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
