বাক্সাত সংঘটিত পৰিস্থিতিক লৈ মুখ্যমন্ত্ৰীয়ে সংবাদমেল পাতি দিছে কেইবাটাও ডাঙৰ খবৰ৷ মুখ্যমন্ত্ৰীয়ে কয়-বৰ্তমানলৈকে এই ঘটনাত জড়িত সকলৰ চিনাক্তকৰণৰ ভিতৰত আছে, মুস্তাফা আহমেদ, নুৰুল আলম, মহিদুল ইছলাম, শিৱজন আলি, ছহিদুল, ৰমিজ আলি, আছিক, হৰেকৃষ্ণ পাঠক আৰু আহেলা মিঞাকে ধৰি মুঠ ৯জনক চিনাক্ত কৰা হৈছে৷ ভিডিঅ ফুটেজৰ জৰিয়তে এই ঘটনাত জড়িত সকলৰ চিনাক্তকৰণ প্ৰক্ৰিয়া চলি আছে৷ কালিৰ ঘটনাত কোনো লোকৰ মৃত্যু হোৱা নাই৷ দুজন আঘাতপ্ৰাপ্ত হৈছিল তেওঁলোকৰ এইমছত চিকিৎসা চলি আছে৷ তেওঁলোক এতিয়া প্ৰায় সুস্থ হোৱাৰ পথত৷
চাৰ্জশ্বিট দাখিলক লৈ মুখ্যমন্ত্ৰীয়ে কয়- নৱেম্বৰ মাহৰ ভিতৰতেই বা ডিচেম্বৰৰ প্ৰথম সপ্তাহত SITয়ে চাৰ্জশ্বীট দাখিল কৰিব৷ সকলোৱে জুবিন গাৰ্গৰ ন্যায় বিচাৰিছে৷ ন্যায় আদালতে দিয়ে৷ কিন্তু ৰাইজে আদালতক সময় দিব বিচৰা নাই৷ মুখ্যমন্ত্ৰীয়ে মুখ্য ন্যায়াধীশৰ সৈতে আলোচনাত বহিব৷ আৰু ফাষ্টট্ৰেক আদালতো গঠন কৰা হ’ব পাৰে৷ আমি ক্ষীপ্ৰতাৰে এই কেচ সমাপ্ত কৰি জুবিনক ন্যায় দিয়াৰ চেষ্টা কৰিম৷ জুবিন গাৰ্গৰ দুৰ্ভাগ্যজনক মৃত্যুৰ তদন্তক লৈ আমি কেবিনেটত আলোচনা কৰিছো৷
আৰক্ষীয়ে পোনতে লাঠিচালনা কৰিছিল নেকি? সেই সম্পৰ্কে মুখ্যমন্ত্ৰীয়ে কয়- আৰক্ষীয়ে প্ৰথমে বাক্সাত লাঠিচাৰ্জ কৰা নাই৷ গুৱাহাটীৰ পৰা কয়দী লৈ যোৱা বাহনক আক্ৰমণ কৰিছিল তেতিয়া তাতেই এজন আৰক্ষীৰ জোৱান আহত হয়৷ তেতিয়া তাত আৰক্ষীৰ দল যোৱাই নাছিল৷ কনভয়হে গৈ আছিল৷ আৰক্ষী তাত কালভাৰ্টৰ তলত লুকাব লগা হৈছিল৷ চলন্ত বাহনত প্ৰথমে আক্ৰমণ কৰা হৈছিল৷ আৰক্ষীয়ে প্ৰথমে আক্ৰমণ কৰা নাছিল৷ পুলিছে গুলি খুলিলেই তদন্ত হয়, পুলিছৰ ওপৰতো তদন্ত হ’ব৷ তাত পৰ্যাপ্ত আৰক্ষী আমি দিয়া নাছিলো মানিছো৷ কিন্তু আমিনো কেনেকৈ জানিম যে তাত এনেকুৱা পৰিস্থিতি হ’ব৷ মাত্ৰ ৬০ গৰাকী আৰক্ষীহে তাত আছিল৷
বাক্সা জে’লত ৰাজআতিথ্য আছে নেকি সেই সন্দৰ্ভত মুখ্যমন্ত্ৰীয়ে কয়- বাক্সা জে’লত বিচনাও নাই৷ তাৰ এয়াৰ কণ্ডিছন বাদেই ভালকৈ ইলেক্ট্ৰিছিটিও নাই৷ কলড্ৰিংকছো আৰক্ষীয়েহে খাইছিল, অভিযুক্তৰ কাৰণে নাছিল৷ জে’লৰ ভিতৰলৈ আপোনালোকক কেতিয়াবা আমি লৈ যাম চালেই গম পাব তাত এয়াৰ কণ্ডিচনাৰ দুৰ দুৰলৈকে নাই৷ জে’লত নিৰাপত্তা দিয়াৰ বাবে লৈ যোৱা হৈছে ৰাজআতিথ্য দিবলৈ নিয়া নাই৷ মই এতিয়া কাৰো ওপৰত কঠিন হ’ব খোজা নাই৷ সকলো জুবিনৰ অনুৰাগী, মিছা প্ৰচাৰ বিয়পাই থকাসকলক মই ধৰিব পাৰো৷ কিন্তু জুবিন অনুৰাগী বুলি একো কোৱা নাই৷ জে’ল ৰাজআতিথ্যৰ স্থান কেতিয়াও হ’ব নোৱাৰে৷ আমি জে’লহে বনাইছো হোটেল বনোৱা নাই৷ হোটেলক জে’ললৈ কনভাৰ্ট কৰা নাই৷ ৰঞ্জন দৈমাৰীক গেষ্ট হাউছত ৰখা হৈছিল, গতিকে সেইটোক ৰাজআতিথ্য ক’ব পাৰি৷ দীপাৱলি নাপাতিবলৈ সিদ্ধান্ত লৈছো, কিন্তু বৰদিন আৰু ঈদ পাতিব নাই মই চাম৷ কেৱল দীপাৱলি বন্ধ কৰিলে মই চাম৷ মই ৰৈ আছো৷
ৰাহুল গান্ধী অহাক লৈয়ো মন্তব্য মুখ্যমন্ত্ৰীৰ৷ ৰাহুল গান্ধীয়ে জুবিনৰ মৃত্যুৰ ২৮ দিনৰ পাছত আহিব৷ আহক আমি ভাল পাইছো৷ ভুপেন হাজৰিকাৰ ক্ষেত্ৰততো নাহিলেই৷ কিন্তু কংগ্ৰেছৰ ঘড়ী এতিয়াও ২৮ দিন পাছতেই ঘূৰে৷ জুবিন গাৰ্গৰ ক্ষেত্ৰত ২৮ দিন পাছত আহিছে আহক আমি স্বাগতম জনাইছো৷ কাইলৈ সেই সময়ত গৰিমা গাৰ্গৰ কাষত থিয় হওঁতে ময়ো যাব পাৰো ঠিক নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
