যুৱতীসকলক ডিম্বানু সংৰক্ষণ কৰি ৰখাৰ পৰামৰ্শ দি কটাক্ষৰ চিকাৰ অভিনেতা ৰামচৰণৰ পত্নী উপাসনা কামিনেনী৷ ব্যৱসায় কৰিছে তাৰকাপত্নীয়ে বুলি অভিযোগ উঠিছে উপাসনাৰ বিৰুদ্ধে৷ শেষত এই বিষয়ক লৈ মুখ খুলিছে উপাসনাই৷ তেওঁৰ স্পষ্ট মত যে এয়া ব্যৱসায় নহয়৷ তেওঁ ক’ব বিচৰা কথাখিনিৰ উদ্দেশ্য পৃথক৷
উপাসনাই ডিম্বানু সংৰক্ষণ কিয় কৰিব লাগে সেই বিষয় বুজাবলৈ গৈ সামাজিক মাধ্যমত লিখিছে- সামাজিক চাপত নহয় কেৱল ভালপাই বিয়া কৰোৱাৰ সিদ্ধান্ত লোৱাটো এগৰাকী মহিলাৰ বাবে অপৰাধ নেকি? সঠিক সংগী নোপোৱা পৰ্যন্ত অপেক্ষা কৰাটো অপৰাধ নেকি? নিজৰ সুবিধামতে সময় মিলাই সন্তান ধাৰণ কৰাটো ভুল সিদ্ধান্ত নেকি? কেৱল বিবাহ সন্তানৰ কথা ভাৱি নিজৰ কেৰিয়াৰ ধ্বংস কৰি দিয়াটো সঠিক সিদ্ধান্ত নেকি?’
ডিম্বানু সংৰক্ষণ এই কথা কোৱাৰ পাছতেই উপাসনাৰ বিবাহৰ বয়সক লৈয়ো একাংশই কটাক্ষ কৰিছে৷ তাৰো জৱাব দিছে তাৰকাপত্নীয়ে৷ উপাসনাই কয়, ‘তেওঁ ভালপোৱা ব্যক্তিজনক ২৭ বছৰ বয়সত বিয়া কৰাইছে৷ তেওঁ এই সিদ্ধান্ত নিজৰ ইচ্ছাতেই লৈছিল৷ ইয়াৰ পাছত ২৯ বছৰ বয়সত তেওঁ নিজৰ ব্যক্তিগত আৰু স্বাস্থ্যৰ কথা ভাৱি ডিম্বানু সংৰক্ষণৰ সিদ্ধান্ত লয়৷
তেওঁ এইবিষয়ে কয়, ‘এই বিষয়ক লৈ মই খুলাখুলিকৈ কথা পাতিছো এটা কাৰণতেই যাতে মহিলাসকল উৎসাহিত হয়৷ মোৰ প্ৰথম সন্তান জন্ম হৈছে ৩৬ বছৰ বয়সত৷ এতিয়া ৩৯ বছৰ বয়সত মই যমজ সন্তানৰ বাবে অপেক্ষাত আছো৷’ তেওঁ উল্লেখ কৰে যে এই ডিম্বানু সংৰক্ষণ তেওঁ পাৰিবাৰিক হাস্পতালত কৰা নাই৷ তেওঁৰ মতে কোনো মহিলাই কেতিয়া বিয়া কৰাব, কেতিয়া সন্তানধাৰণ কৰিব এই সিদ্ধান্ত লোৱাটো তেওঁৰ ব্যক্তি অধিকাৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
