দেশৰ এল পি জি সংকটক লৈ লোকসভাত বক্তব্য ৰাখিছে কেন্দ্ৰীয় পেট্ৰোলিয়াম আৰু প্ৰাকৃতিক গেছ মন্ত্ৰী হৰদ্বীপ সিং পুৰীয়ে৷ ভাৰতে ৪০খন দেশৰ পৰা অপৰিশোধিত তেল আমদানি কৰে৷ গেছ চিলিণ্ডাৰক লৈ আতংকিত হোৱাৰ কোনো কাৰণ নাই৷
আতঙ্কিত নহ’ব
কেন্দ্ৰীয় পেট্ৰোলিয়াম মন্ত্ৰী হৰদ্বীপ সিং পুৰীয়ে লোকসভাত দেশবাসীক আশ্বস্ত কৰি কৈছে, গেছ আৰু ইন্ধন সৰবৰাহক লৈ আতঙ্কিত হোৱাৰ কোনো কাৰণ নাই৷ তেওঁ স্পষ্টকৈ কৈছে, দেশত পেট্ৰল আৰু ডিজেলৰ সৰবৰাহক লৈ আতঙ্কিত হোৱাৰ কোনো কাৰণ নাই৷ দেশত পেট্ৰল, ডিজেল আৰু CNG সৰবৰাহ ১০০শতাংশ স্থিতিশীল হৈ আছে৷ বিশ্বব্যাপী অনিশ্চয়তা সত্ত্বেও ভাৰতত পৰ্যাপ্ত মজুত আছে৷ মন্ত্ৰীয়ে জনসাধাৰণক গুজব উপেক্ষা কৰাৰ আৰু আতংকিত নহ’বৰ বাবে আবেদন জনাইছে৷ চৰকাৰে পৰিস্থিতিৰ ওপৰত ক্ৰমাগত নজৰ ৰাখিছে আৰু নিৰবচ্ছিন্ন সৰবৰাহ নিশ্চিত কৰিছে৷
২৮ শতাংশ বৃদ্ধি পাইছে
কেন্দ্ৰীয় পেট্ৰোলিয়াম মন্ত্ৰী হৰদ্বীপ সিং পুৰীয়ে ইন্ধন সৰবৰাহৰ ক্ষেত্ৰত দেশক উল্লেখযোগ্য স্বস্তি দিছে৷ তেওঁ স্পষ্ট কৰি দিছে যে গাৰ্হস্থ্য এল পি জি উৎপাদন উল্লেখযোগ্যভাৱে ২৮ শতাংশ বৃদ্ধি পাইছে আৰু প্ৰতিদিনে ভাৰতত প্ৰচুৰ পৰিমাণে LNG কাৰ্গো আহিছে৷ পুৰীয়ে বাখ্যা কৰিছে যে ভাৰতে এতিয়া উপসাগৰীয় দেশসমূহৰ পৰা কানাডা, মাৰ্কিন যুক্তৰাষ্ট্ৰ, নৰৱে আৰু অষ্ট্ৰেলিয়াৰ দৰে দেশসমূহৰ মাজেৰে নিৰাপদ সৰবৰাহ নিশ্চিত কৰিছে৷ ক’লাবজাৰ ৰোধৰ বাবে বাণিজ্যিক এল পি জি নিয়ন্ত্ৰণ কৰা হৈছে৷ ৰিটেইল চেনেলৰ মাধ্যমেৰেও কেৰোচিন পোৱা যায়৷ এই চৰকাৰী পদক্ষেপসমূহে স্পষ্টভাৱে প্ৰমাণ কৰে যে দেশৰ গেছ উৎপাদন পৰ্যাপ্ত আৰু বিতৰণ ব্যৱস্থা শক্তিশালী কৰা হৈছে৷
৪০ খন দেশৰ পৰা আহে ইন্ধন
লোকসভাত দেশৰ ইন্ধন নিৰাপত্তা সম্পৰ্কে গুৰুত্বপূৰ্ণ বক্তব্য ৰাখি কেন্দ্ৰীয় পেট্ৰোলিয়াম মন্ত্ৰী হৰদ্বীপ সিং পুৰীয়ে কৈছে, চৰকাৰে ২৭খন দেশৰ পৰা ৪০খন দেশলৈ তেল আমদানিৰ উৎস সম্প্ৰসাৰণৰ বাবে কৌশলগত পদক্ষেপ লৈছে৷ যাৰ ফলত পেট্ৰল, ডিজেল, কেৰছিন আৰু এটিএফৰ নিৰবচ্ছিন্ন সৰবৰাহ নিশ্চিত কৰা সম্ভৱ হৈছে৷ পুৰীয়ে কৈছে, ইতিহাসত প্ৰথমবাৰৰ বাবে ভাৰতে প্ৰণালী বন্ধ হোৱাৰ দৰে চেলেঞ্জিং পৰিস্থিতিৰ মুখামুখি হৈছে৷ য’ত ভাৰতে সফল মোকাবিলা কৰি আহিছে৷ ইন্ধন সংকটৰ কাৰণে প্ৰতিবেশী দেশসমূহত স্কুল বন্ধ কৰি লগা হোৱাৰ বাবে ভাৰতে অগ্ৰাধিকাৰ ভিত্তিত প্ৰাকৃতিক গেছ সৰবৰাহ কাৰ্যকৰভাৱে পৰিচালনা কৰিছে৷ চৰকাৰৰ এই দূৰদৰ্শী সিদ্ধান্তসমূহে বিশ্বব্যাপী সংকটৰ মাজত ভাৰতীয় অৰ্থনীতি আৰু সাধাৰণ জনগণক উল্লেখযোগ্য স্বস্তি দিছে৷
হৰমুজেৰে ২০ শতাংশ চলাচলহে ক্ষতিগ্ৰস্থ হৈছে
পেট্ৰোলিয়াম আৰু প্ৰাকৃতিক গেছ মন্ত্ৰী হৰদ্বীপ পুৰীয়ে তেওঁৰ বিবৃত্তিত কৈছে, ‘হৰমুজেৰে ২০ শতাংশ চলাচল ক্ষতিগ্ৰস্ত হৈছে৷ ৪০ শতাংশ অপৰিশোধিত তেল অন্যান্য দেশৰ পৰা আহিছে৷ এই সময়ত আমাৰ হাতত পৰ্যাপ্ত অপৰিশোধিত তেল আছে৷ ভাৰতৰ অপৰিশোধিত তেলৰ সৰবৰাহ সম্পূৰ্ণ নিৰাপদ আৰু ভাৰতত পেট্ৰল ডিজেলৰ কোনো সমস্যা নাই৷ দেশত এতিয়াও পৰ্যাপ্ত গেছ আছে৷’ গেছৰ ঘাটিক লৈ গুজবৰ মাজতে কেন্দ্ৰীয় মন্ত্ৰীয়ে স্পষ্ট কৰি দিছে যে চি এন জি সৰবৰাহ ১০০ শতাংশই অব্যাহত আছে৷ প্ৰতিদিনে এল এন জি কাৰ্গো ভাৰতলৈ আহি আছে৷ গেছ চিলিণ্ডাৰক লৈ আতংকিত হোৱাৰ কোনো কাৰণ নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
