জনবসতি প্ৰায় ৫০০০৷ ব্ৰাজিলৰ এই অখ্যাত গাওঁখনৰ প্ৰায় প্ৰতিজন লোকেই ভূগিছে বিৰল স্নায়ুৰোগত৷ জন্মৰ পাছতেই শিশুটি দুৰ্বল হৈ পৰে৷ ৰোগবিধৰ নাম স্পোয়ান ছিনড্ৰোম৷ সকলোতকৈ ডাঙৰ কথাটো হৈছে গাওঁখনৰ বহু মানুহে এজনে আনজনৰ সৈতে সম্পৰ্কত জড়িত৷ অৰ্থাৎ তেওঁলোকৰ মাজত তেজৰ সম্পৰ্ক আছে৷ বিবিচিৰ এক প্ৰতিবেদন অনুসৰি স্পোয়ান চিনড্ৰ’ম তেতিয়াই ঘটে যেতিয়া পিতৃ-মাতৃ উভয়েই পৰিবৰ্তিত জিন বহন কৰে৷
২০১০ চনক জিন বিশেষজ্ঞ আৰু জীৱবিজ্ঞানী চিলভানা চেণ্টোছে ব্ৰাজিলৰ ছেৰিনহা ডছ পিণ্টোছ গাওঁত এই ৰোগৰ সন্ধান পায়৷ ২০ বছৰ পূৰ্বে দেখা পৰ্যন্ত সেই গাওঁৰ কোনোৱে জনা নাছিল যে এই গাঁওৰ লোকসকল কিয় দুৰ্বল? চিলভানাই তেওঁৰ গৱেষণাত দেখা পায় যে গাওঁখনৰ ৩০শতাংশ মানুহৰেই এজনৰ সৈতে আনজনৰ তেজৰ সম্পৰ্ক আছে৷
তেওঁ গৱেষণাত বিচাৰি পায় যে এই জনগোষ্ঠীৰ এক তৃতীয়াংশৰ মাজত কমপক্ষেও এটা শিশু স্পোয়ান চিনড্ৰমত আক্ৰান্ত৷ বিশ্বব্যাপী প্ৰায় ১০ শতাংশ বিবাহহে ভায়েক ভনীয়েকৰ মাজত হয়৷ ব্ৰাজিলত এই পৰিমাণ ১-৮শতাংশ৷ স্পোয়ান চিনড্ৰমৰ ওপৰত প্ৰথম বৈজ্ঞানিক গৱেষণা ২০০৫ চনত চেণ্টোছ আৰু তেওঁৰ সহযোগী দলৰ দ্বাৰা প্ৰকাশিত হৈছিল৷ এই অৱস্থা সৰু ক্ৰমজমেল ত্ৰুটিৰ কাৰণেই ঘটে৷ ইয়াৰ ফলত মস্তিষ্কৰ কোষসমূহে এক গুৰুত্বপূৰ্ণ প্ৰটিন অতিৰিক্ত পৰিমাণে উৎপাদন কৰে৷
ছেণ্টোছৰ এই কামৰ বাবেই ২০২৪ চনত বিবিচিৰ ১০০ গৰাকী প্ৰভাৱশালী মহিলাৰ তালিকাত তেওঁক স্থান দিয়া হয়৷যদিও এই স্পোয়ান চিনড্ৰমৰ কোনো প্ৰতিকাৰ নাই৷ চাণ্টোছৰ কামে গাওঁখনৰ দৃষ্টিভংগী পৰিবৰ্তন কৰাতো সহায় কৰিছে বুলি বিবিচিৰ প্ৰতিবেদনত প্ৰকাশ পাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
