বহু সময়ত দেখা যায়, উপাৰ্জন কৰিও হাতত ধন নাথাকে৷ দিনে নিশাই পৰিশ্ৰম কৰি যি আয় কৰে সেয়াও অপচয় হৈ যায়৷ কেতিয়াবা অপ্ৰয়োজনীয় খৰচ, কেতিয়াবা অসুখ-বিসুখত সকলো ধন হাতৰ পৰা গুচি যায়৷ ফলত পৰ্যাপ্ত আয় কৰিও একোৱেই সঞ্চয় কৰিব নোৱাৰি৷ বাস্তুশাস্ত্ৰই কৈছে, ইয়াৰ কাৰণ হব পাৰে বাস্তুদোষ৷ ঘৰত এনাৰ্জিৰ ভাৰসাম্য যদি সঠিক নাথাকে তেন্তে সম্পদ আগমনৰ পথ বন্ধ হৈ যায়৷ নিগেটিভ এনাৰ্জি বিয়পি পৰিলে সংসাৰত সুখ, সমৃদ্ধি আৰু শান্তি ধ্বংস হৈ যায়৷ এই পৰিস্থিতিত ঘৰৰ পৰা পানীৰ দৰে ধন ওলাই যায়৷ জানি থওক কি কি কাৰণত বাস্তুদোষ তৈয়াৰ হ’ব পাৰে?
মূল দুৱাৰৰ সন্মুখত গছ ৰোৱক
কোৱা হয় পজিটিভ আৰু নিগেটিভ এনাৰ্জি উভয়েই ঘৰৰ মূল দুৱাৰেৰে ঘৰত প্ৰৱেশ কৰে৷ দুৱাৰৰ এফালে কল গছ আৰু অন্যফালে তুলসী গছ ৰোৱক৷ ইয়াৰ ফলত বাস্তুদোষ কমি যাব৷ সংসাৰত সুখ সমৃদ্ধি থাকিব৷
আলমাৰিত তামৰ কয়েন ৰাখক
অহেতুক খৰচ কমাবলৈ বাস্তু অনুসৰি তামৰ কয়েন অত্যন্ত গুৰুত্বপূৰ্ণ৷ অক্ষয় তৃতীয়া, মহাশিৱৰাত্ৰি, দীপাৱলি, দৌলৰ দৰে শুভ দিনত তিনিটা তামৰ কয়েনৰ পূজা কৰক৷ ইয়াৰ পাছতেই সেই তিনিটা কয়েন আলমাৰিৰ য’ত টকা ৰাখে তাত ৰাখক৷ এই সৰু কামেই আপোনাৰ সংসাৰলৈ ধনৰ প্ৰবাহ কঢ়িয়াই আনিব৷
ঘৰলৈ আনক ক্ৰিষ্টেল শিৱলিংগ
ঘৰৰ পূজাৰ আসনত এটা ক্ৰিষ্টেল শিৱলিংগ স্থাপন কৰক৷ ক্ৰিষ্টেল হৈছে শুদ্ধ শক্তিৰ প্ৰতীক৷ ক্ৰিষ্টেল শিৱলিংগই নিগেটিভ এনাৰ্জি শুহি লয়৷ ইয়াৰ ফলত ঘৰৰ পৰিবেশ উন্নত হয় আৰু সংসাৰত সুখ সমৃদ্ধি বাঢ়ে৷ মনত থাকিব পুজা ঘৰো যেন সকলো সময়তে পৰিষ্কাৰ পৰিচ্ছন্ন থাকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
