প্ৰকৃতিৰ ভয়ংকৰ তাণ্ডৱ, ধুমুহাত উৰিল নানহে মিয়া, ৫০ ফুট উচ্চতালৈ উৰুৱাই নিয়া ননহে মিয়াৰ স্বাস্থ্যৰ আপডেট

শীৰ্ণকায় ব্যক্তি দেখিলেই বহুতেই ঠাট্টা মস্কা কৰি কয় যে, বতাহত উৰি যাবি৷ এইবাৰ আক্ষৰিক অৰ্থত উৰা দেখা গ’ল এজন ব্যক্তিক৷ ছচিয়েল মিডিয়াত ভাইৰেল হৈছে বিশেষ ভিডিঅ’৷ সেই ভিডিঅ’ত দেখা গৈছে যে সঁচাকৈয়ে আকাশত উৰিছে এজন ব্যক্তি৷ তাৰপিছতেই মাজ আকাশত ঘূৰি ঘূৰি তললৈ আহিছে ব্যক্তিজন৷ উত্তৰপ্ৰদেশৰ বৰেলিত এই ঘটনা৷

বুধবাৰে প্ৰৱল বৃষ্টিপাত আৰু ধুমুহাত তছনছ হৈ গৈছে উত্তৰপ্ৰদেশৰ বিস্তীৰ্ণ এলেকা৷ বৰেলি জিলাৰ ভামোৰা থানাৰ বামিয়ানা গাওঁত সেই সময়ত কাম কৰি আছিল নানহে মিয়াই৷ এখন টিনৰ চাল উৰি গৈছিল৷ তাতেই তেওঁ ঠিয় হৈ টিনপাত বান্ধিবলৈ চেষ্টা চলাই আছিল৷ সেই সময়তেই বুজিব পৰাৰ আগতেই ৰচি চিঙি উৰি যায় টিনৰ চালিখন আৰু লগে লগেই উৰি যায় নানহে মিয়াও৷ জনা গৈছে প্ৰায় ৫০ ফুট শূন্যলৈ তেওঁক উৰুৱাই লৈ গৈছিল বতাহে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ