অসম লাইভ ২৪ঃ শনিবাৰৰ পৰা দেশজুৰি প্ৰদান কৰা হ’ব ক’ৰোনা প্ৰতিষেধক। অসমত কেনেদৰে প্ৰদান কৰা হ’ব ভেকচিন? সংবাদমেল যোগে এই সন্দর্ভত সবিশেষ জনালে স্বাস্থ্যমন্ত্ৰী হিমন্ত বিশ্ব শৰ্মাই। প্ৰথম পর্যায়ত ক’ভিড যোদ্ধাসকলক দিয়া হ’ব ক’ভিড ভেকচিন। দ্বিতীয় পর্যায়ত সন্মুখৰ পৰা যুঁজ দিয়া সকলক, তৃতীয় পর্যায়ত ৫০ৰ উৰ্দ্ধৰ লোকসকলক দিয়া হ’ব টিকা। ইতিমধ্যে অসম আহি পাইছেহি ২ লাখ ২১ হাজাৰ ৫০০ ক’ভিড ভেকচিন। ক’ভিশ্বিল্ড লোৱাৰ পূৰ্বে অনুমতি প্ৰদান কৰিব লাগিব। প্ৰথম ড’জ লোৱাৰ পাছত ২৪ দিনত দ্বিতীয় ড’জ ল’ব লাগিব। ভেকচিন ল’বলৈ ১০ জন গোট খালেহে ষ্ট্ৰীপ খোলা হ’ব, দ্বিতীয় ড’জ লোৱাৰ ১৪ দিন পিছত তৃতীয় ড’জ ভেকচিন ল’ব লাগিব। ৪৫ দিন পিছতহে ক’ভিড প্ৰতিৰোধ ক্ষমতা সক্ৰিয় হ’ব। ৰাজ্যত ৩৫ টা কেন্দ্ৰত দিয়া হ’ব ক’ভিড ভেকচিন। ইতিমধ্যে নাম পঞ্জীয়ন কৰা ২.৯ লাখ হিতাধিকাৰীয়ে লাভ কৰিব এই টীকা। ক’ভাক্সিন সম্পূৰ্ণৰূপে ভাৰততেই উৎপাদন হ’ব। ক’ভিশ্বিল্ড আৰু ক’ভাক্সিন এই দুটা ভেকচিনেই স্বীকৃতি পাইছে। ইতিমধ্যে ৩০ কোটিতকৈয়ো অধিক লোকক সামৰি লোৱাৰ টাৰ্গেট। পশ্চিমীয়া দেশত এতিয়াও ক’ভিডৰ সংক্ৰমণ বাঢ়িয়েই আছে। কমিউনিটী লেভেলত ক’ভিড বহুত দিনলৈকে থাকিব। আন্তঃৰাষ্ট্ৰীয় বিমান সেৱা আৰম্ভ হ’লে আকৌ বাঢ়িব পাৰে ক’ভিড। gmch, tmch, নগাঁও চিভিল হাস্পতালত কাইলৈ আৰম্ভ হ’ব ক’ভিড টীকা প্ৰদান। প্ৰথমে ১২ গৰাকী চিকিৎসকক দিয়া হ’ব ক’ভিড ভেকচিন। তেওঁলোক ডাঃ উমেশ শৰ্মা, ডাঃ ধ্ৰুৱজ্যোতি শৰ্মা, পদ্মশ্ৰী ডাঃ ইলিয়াছ আলী, ডাঃ বিভা চন্দ্ৰ গোস্বামী, ডাঃ সুভাষ খান্না, ডাঃ হৰ্ষ ভট্টাচাৰ্য, ডাঃ ৰথীন্দ্ৰ গোস্বামী, ডাঃ অচ্যুত বৈশ্য, ডাঃ অভিজিত শৰ্মা, ডাঃ ব্ৰজেন লহকৰ, ডাঃ মনোজ অধিকাৰী। ৩.৮০ লাখ ভেকচিন পাব অসমে। আহি পাইছে ২ লাখ ২১ হাজাৰ ৫০০ ভেকচিন। অসমত এদিনত ৬,৫০০ জনক ভেকচিন দিয়াৰ লক্ষ্য ৰাজ্য চৰকাৰৰ। প্ৰথম আৰু দ্বিতীয় পৰ্যায়ত সকলো ভেকচিন বিনামূলীয়া হ’ব। পিছৰ পৰ্যায়ত যদি পইচা দিব লাগে সেয়া কেন্দ্ৰই এতিয়াও জনোৱা নাই। এই কথা জনালে স্বাস্থ্যমন্ত্ৰী হিমন্ত বিশ্ব শৰ্মাই। ৰাজ্য চৰকাৰে দিবলগীয়া হ’লে জনতাই দিয়া ধনেই ব্যৱহাৰ কৰিব। ক’ভিডৰ সময়ত জনতাই আগবঢ়োৱা ধন জমা হৈ থকা বুলি জনায় মন্ত্ৰীগৰাকীয়ে। ক’ভিড ভেকচিনে ৭০ শতাংশ সক্ষমতা দেখুৱাইছে। ভেকচিন দিয়া নহয় গৰ্ভৱতী মহিলা আৰু ১৪ বছৰৰ তলৰ শিশুক। ভেকচিন ল’লে বিভিন্ন লক্ষণে দেখা দিব পাৰে। জ্বৰ, বমিও হ’ব পাৰে ভেকচিন ল’লে। এই কথা জানিবলৈ দিয়ে স্বাস্থ্যমন্ত্ৰী হিমন্ত বিশ্ব শৰ্মাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
