পঞ্জাৱ নেশ্ব্যনেল বেংকৰ গ্ৰাহকৰ বাবে আহিছে ভাল সুযোগ৷ দেশৰ দ্বিতীয় বৃহত্তম ৰাষ্ট্ৰায়ত্ত বেংক পিএনবিয়ে তেওঁলোকৰ ফিক্সড ডিপোজিট একাউণ্টত আকৰ্ষণীয় সুদৰ হাৰ দিছে৷ এই চৰকাৰী বেংকে গ্ৰাহকৰ বিভিন্ন ম্যাদৰ FD স্কিমত ৩শতাংশৰ পৰা ৭.৪০ শতাংশ পৰ্যন্ত সুদ দিছে৷ পঞ্জাৱ নেশ্ব্যনেল বেংকে ন্যূনতম ৭দিনৰ বাবেও FD একাউণ্ট খুলিব পাৰে৷ ইয়াৰোপৰি এই বেংকত সৰ্বোচ্চ ১০ বছৰৰ ম্যাদত FD কৰা সম্ভৱ৷
৪৪৪ দিনৰ ম্যাদৰ FD স্কিমত সকলোতকৈ বেছি সুদ দিছে পিএনবি বেংকে৷ তেওঁলোকৰ ৪৪৪ দিনৰ স্পেছিয়েল FD স্কিমত সৰ্বোচ্চ সুদৰ হাৰ দিছে৷ এই স্কিমত সাধাৰণ নাগৰিকৰ বাবে ৬.৬০ শতাংশ চিনিয়ৰ চিটিজেনৰ বাবে ৭.১০ শতাংশ আৰু ৮০ বছৰৰ বেছি বয়সীয়া অতি প্ৰবীণ নাগৰিকৰ বাবে ৭.৪০ শতাংশ সুদ প্ৰদান কৰা হৈছে৷ ইয়াৰোপৰি পিএনবিৰ ৩০৪ দিনৰ পৰা ১ বছৰৰ ম্যাদৰ FD স্কিমত ৫.৬০ শতাংশৰ পৰা ৬.৪০ শতাংশ পৰ্যন্ত সুদ দিছে৷ এই ম্যাদৰ এফ ডিত সাধাৰণ নাগৰিকে লাভ কৰিছে ৫.৬০ শতাংশ, চিনিয়ৰ নাগৰিকে ৬.১০শতাংশ আৰু অতি প্ৰবীণ নাগৰিকে পাইছে ৬.৪০ শতাংশ সুদৰ সুবিধা৷
৩০৪ দিনৰ এফ ডিত ৩০০,০০০ টকা জমা কৰিলে কিমান সুদ পাব?
পঞ্জাৱ নেশ্ব্যনেল বেংকে ৩০৪ দিনৰ এফ ডি স্কিমত যদি ৩লাখ টকা জমা কৰে তেন্তে সাধাৰণ নাগৰিকে ১৪,২২২ টকা সুদসহ মুঠ ৩১৪২২২ টকা পাব৷ একেদৰে এই স্কিমত ৩ লাখ টকা জমা কৰিলে চিনিয়ৰ চিটিজেনে ১৫৫১৪ টকা সুদসহ মুঠ ৩১৫,৫১৪ টকা পাব আৰু অতি প্ৰবীণ নাগৰিকে ১৬,২৯২ টকা নিৰ্দিষ্ট সুদসহ মুঠ ৩১৬,২৯২ টকা পাব৷
উল্লেখ্য যে এফ ডি একাউণ্টকেই সকলোতকৈ নিৰাপদ বিনিয়োগ হিচাপে ধৰা হয়৷ কাৰণ নিৰ্দিষ্ট সময়ৰ শেষত ইয়াত স্থিৰ সুদৰ সৈতে সম্পূৰ্ণ ধনেই লাভ কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
