SBI ৰ গ্ৰাহকৰ বাবে ডাঙৰ খবৰ৷ চলিত মে মাহত ৬ দিন বন্ধ থাকিব বেংক৷ অৰ্থাৎ আপোনাৰ যদি বেংকত কোনো কাম থাকে তেন্তে আগতীয়াকৈয়ে জানি থওক যে সমগ্ৰ দেশতেই কাৰ্যকৰ হ’ব পাৰে এই বন্ধ৷ অনলাইন পৰিসেৱা অৱশ্যে চলি থাকিব৷ জনা গৈছে যে ২৩ মেৰ পৰা ৬ দিন এছ বি আইৰ সমস্ত ব্ৰাঞ্চ বন্ধ থাকিব পাৰে৷ অনলাইন পৰিসেৱা চলি থাকিব ফলত নেট বেংকিং. এটিএম, মোবাইল বেংকিং আৰু অন্যান্য ডিজিটেল পৰিসেৱাও ব্যৱহাৰ কৰিব পাৰে৷ কিন্তু যদি এছ বিআইৰ ব্ৰাঞ্চত গৈ কাম কৰিবলগীয়া হয় তেন্তে ২৩ মেৰ আগত সম্পন্ন কৰাই ভাল৷
কিয় ৬ দিন বন্ধ থাকিব পাৰে SBI?
৬দিন বেংক বন্ধ থকাৰ সম্ভাৱনাৰ আঁৰত আছে সাপ্তাহিক ছুটী, প্ৰস্তাৱিত দুদিনৰ ধৰ্মঘট আৰু ঈদ৷ RBI ৰ ছুটিৰ কেলেণ্ডাৰ অনুসৰি জম্মু আৰু কাশ্মীৰত বকৰি ঈদৰ কাৰণে ২৭ আৰু ২৮ মে দুদিন বন্ধ থাকিব৷ ২৩ মেত মাহৰ চতুৰ্থ শনিবাৰ হোৱাত এই দিনটোত বেংক বন্ধ থাকিব৷ আকৌ ২৪ মে দেওবাৰ হোৱাৰ বাবে সমগ্ৰ দেশত এছ বি আইৰ শাখাসমূহ বন্ধ থাকিব৷ ফলত এই সপ্তাহত দুদিন সাপ্তাহিক ছুটি পৰিছে৷
কিয় আৰু কেতিয়া ধৰ্মঘট?
SBIৰ ষ্টাফ ফেডাৰেছনে ২৫ আৰু ২৬ মেত দুদিনৰ ধৰ্মঘটৰ সিদ্ধান্ত লৈছে৷ নিয়োগ আৰু নেশ্ব্যনেল পেঞ্চন চিষ্টেম ফাণ্ড মেনেজাৰসকলৰ নিৰ্বাচনসহ একাধিক বিষয়ক লৈ ধৰ্মঘটৰ সিদ্ধান্ত লৈছে৷ দেশজুৰি এছ বি আইৰ কৰ্মীসকলৰ প্ৰতিনিধিত্বকাৰী সংগঠন অল ইণ্ডিয়া ষ্টেট বেংক অফ ইণ্ডিয়া ষ্টাফ ফেডাৰেছন আউটছৰ্চিঙৰ মাধ্যমেৰে নিয়োগ, SBIত সমতা সংক্ৰান্তিয় বিষয়, কৰ্মজীৱনত উন্নতিৰ পৰিকল্পনাৰ পুনৰ্বিবেচনা, HRMS আৰু কৰ্মীসকলক প্ৰভাৱিত কৰা অন্যান্য সমস্যাক লৈ উদ্বেগ প্ৰকাশ কৰিছে৷
বকৰি ঈদৰ ছুটি
RBIয়ে বকৰি ঈদ উপলক্ষে ছুটি ঘোষণা কৰিছে৷ দেশৰ কিছু অংশত ২৭ মে আৰু অন্য অংশত ২৮ মেত বকৰি ঈদ পালিত হ’ব৷ জম্মু আৰু কাশ্মীৰত দুদিনেই এই উৎসৱ উদযাপিত হোৱাৰ বাবে তাত দুদিন বেংক বন্ধ থাকিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
