শনিদেৱক ন্যায়ৰ দেৱতা বুলি গণ্য কৰা হয়। ২৭ জুলাইৰ পৰা শনি মীন ৰাশিত বক্ৰী (উল্টা গতি) হ’ব আৰু ১১ ডিচেম্বৰলৈ এই অৱস্থাত থাকিব। শনিৰ গতি পৰিৱৰ্তনৰ প্ৰভাৱ সকলো ৰাশিৰ ওপৰত পৰে। কিছুমান ৰাশিৰ বাবে এই সময়ত অসুবিধা বৃদ্ধি হ’ব পাৰে, আনহাতে কিছুমানৰ বাবে শুভ ফল লাভৰ সম্ভাৱনা থাকে।
এইবাৰ সিংহ, বৃশ্চিক, ধনু আৰু মকৰ ৰাশিৰ জাতক-জাতিকাৰ বাবে এই সময় বিশেষভাৱে শুভ বুলি ধৰা হৈছে। কেৰিয়াৰ, ব্যৱসায়, বৈবাহিক জীৱন আৰু কৰ্মক্ষেত্ৰত ইতিবাচক পৰিৱৰ্তন দেখা যাব পাৰে।
সিংহ ৰাশি
শনি বক্ৰী হোৱাৰ ফলত সিংহ ৰাশিৰ ওপৰত থকা নেতিবাচক প্ৰভাৱ কিছু পৰিমাণে হ্ৰাস পাব পাৰে। বিশেষকৈ চৰকাৰী চাকৰিত থকা বাধা-বিপত্তি কমিব পাৰে। অৱশ্যে চাকৰি আৰু বিবাহ-সম্পৰ্কীয় বিষয়ত সাৱধানতা অৱলম্বন কৰিলে অধিক ভাল ফল লাভ কৰাৰ সম্ভাৱনা থাকিব।
উপায়: শনিবাৰে কাউৰীক খাদ্য খুৱাওক। এই সময়ত মাংস বা মাছ খোৱাৰ পৰা বিৰত থাকক।
বৃশ্চিক ৰাশি
শনি পঞ্চম ভাবত বক্ৰী থকাৰ বাবে কিছুমান সমস্যাৰ সন্মুখীন হ’ব পাৰে যদিও পৰিস্থিতিৰ ধীৰে ধীৰে উন্নতি হ’ব। সন্তান আৰু শিক্ষা-সম্পৰ্কীয় বিষয়ত শুভ ফল লাভৰ সম্ভাৱনা আছে। যদি কোনো বিনিয়োগত লোকচান হৈছিল, তাতো উন্নতি দেখা যাব পাৰে।
উপায়: সততাৰে নিজৰ কাম কৰি যাওক আৰু মিছা কোৱাৰ পৰা বিৰত থাকক। প্ৰতিদিনে “ওঁ শং শনৈশ্চৰায় নমঃ” মন্ত্ৰ ১০৮ বাৰ জপ কৰক।
ধনু ৰাশি
ধনু ৰাশিৰ বাবে শনি চতুৰ্থ ভাবত বক্ৰী থাকিব। ইয়াৰ ফলত শনিৰ নেতিবাচক প্ৰভাৱ কমিব পাৰে। আত্মীয়-স্বজনৰ সৈতে থকা মতভেদ বা ভুল বুজাবুজি দূৰ হোৱাৰ সম্ভাৱনা আছে আৰু সম্পৰ্ক অধিক মজবুত হ’ব।
উপায়: ক’লা কুকুৰক ৰুটি খুৱাওক। শনিবাৰে শনি মন্দিৰত সৰিয়হৰ তেল দান কৰক।
মকৰ ৰাশি
মকৰ ৰাশিৰ বাবে শনি তৃতীয় ভাবত বক্ৰী হ’ব, যি লাভজনক বুলি ধৰা হৈছে। যদিও শুভ ফল লাভত কিছু পলম হ’ব পাৰে, তথাপি প্ৰতিযোগিতামূলক কামত সফলতা লাভ কৰাৰ সম্ভাৱনা থাকিব। শত্ৰু বা প্ৰতিদ্বন্দ্বীৰ ওপৰত জয় লাভ কৰিব পাৰে।
উপায়: নিয়মিত শনি স্তোত্ৰ পাঠ কৰক আৰু মিছা কোৱাৰ পৰা বিৰত থাকক।
গুৰুত্বপূৰ্ণ: ওপৰৰ তথ্যসমূহ জ্যোতিষ শাস্ত্ৰৰ বিশ্বাস আৰু প্ৰচলিত মতামতৰ ওপৰত আধাৰিত। Asom Live24-এ এই দাবীসমূহৰ সত্যতা নিশ্চিত নকৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
