মনোৰঞ্জন জগতৰ পৰা আহিছে দুঃখবৰ। ‘নেইবাৰ্ছ’ আৰু ‘হোম এণ্ড এৱে’ ছবিত অভিনয় কৰি পৰিচিত ব্ৰিটিছ-অষ্ট্ৰেলিয়ান অভিনেতা (British-Australian stage, television, and film star) টেৰেন্স ড’নভানৰ ৯০ বছৰ বয়সত মৃত্যু হয়। তেওঁৰ পুত্ৰ অভিনেতা জেছন ড’নভানে নিশ্চিত কৰে যে শনিবাৰে নিশা অষ্ট্ৰেলিয়াৰ মেলবৰ্ণত তেওঁৰ পিতৃৰ দেহাৱসান ঘটে। পোষ্টটোত লিখা আছিল, “আমাৰ দেউতা আছিল এজন অসাধাৰণ ব্যক্তি, জীৱনতকৈও ডাঙৰ। তেওঁ আছিল আমাৰ বেষ্ট ফ্ৰেণ্ড… আমাৰ পৃথিৱীখন! আমি তেওঁক বহুত মনত কৰিম, কিন্তু তেওঁৰ শেষ দিনবোৰত আমি সকলোৱে তেওঁৰ বাবে আছিলোঁ।”
লণ্ডনত জন্মগ্ৰহণ কৰা ড’নভানে ১৯৭০ আৰু ১৯৮০ চনত প্ৰচাৰিত অষ্ট্ৰেলিয়াৰ পুলিচ ড্ৰামা‘ডিভিজন ৪’ আৰু ‘কপ শ্বপ’ত অভিনয় কৰিছিল। কিশোৰ অৱস্থাত অষ্ট্ৰেলিয়ালৈ যোৱাৰ পিছত ড’নভানে ১৯৬০ চনৰ আৰম্ভণিতে পৰ্দাত অভিষেক ঘটাৰ পূৰ্বে গায়ক হিচাপে নিজৰ কেৰিয়াৰ আৰম্ভ কৰে।
দহ বছৰৰ পাছত তেওঁ নিজৰ দুটা পৰিচিত চৰিত্ৰত অভিনয় কৰে, ‘ডিভিজন ৪’ত ডিটেক্টিভ মিক পিটাৰ্ছ আৰু তাৰ পিছত ‘কপ শ্বপ’ত ডিটেক্টিভ চিনিয়ৰ চাৰ্জেণ্ট ভিক কেমেৰন। নব্বৈৰ দশকত পুত্ৰ জেছনে ‘নেইবাৰ্ছ’ শ্ব’টো এৰি যোৱাৰ কিছু সময়ৰ পিছতে ড’নাভানে ডাগ উইলিছৰ চৰিত্ৰত ধাৰাবাহিকখনৰ অভিনেতা-অভিনেত্ৰীত যোগদান কৰে। ‘হোম এণ্ড এৱে’ত আল চিম্পছনৰ চৰিত্ৰতো অভিনয় কৰিছিল। টেলিভিছনত ছয় দশকৰ কেৰিয়াৰৰ উপৰিও তেওঁৰ স্মৰণীয় চলচ্চিত্ৰ ক্ৰেডিটৰ ভিতৰত আছে ‘দ্য মেন ফ্ৰম স্নোই ৰিভাৰ’ আৰু ‘ব্ৰেকাৰ মৰাণ্ট’ত অভিনয় কৰাৰ লগতে মঞ্চত কেইবাবাৰো অভিনয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
