‘উৰ্ফি জাভেদে লৈছিল ১ লাখ টকা’— CJPৰ প্ৰতিবাদক লৈ জনপ্ৰিয় ইনফ্লুৱেঞ্চাৰ ফাইজান আনছাৰীয়ে এই চাঞ্চল্যকৰ অভিযোগ উত্থাপন কৰিছে। আনছাৰীয়ে লগতে CJPৰ প্ৰতিষ্ঠাপক অভিজিৎ দীপকেৰ বিৰুদ্ধেও দিল্লী আৰক্ষীক লিখিত অভিযোগ দাখিল কৰিছে। আনছাৰীৰ অভিযোগ অনুসৰি, অভিজিৎ দীপকেৰ CJPৰ সৈতে জড়িত কিছুমান লোকে তেওঁক একাধিকবাৰ আক্ৰমণ কৰিছিল। ইয়াৰ উপৰিও, ফাইজানে দাবী কৰে যে CJPৰ প্ৰতিবাদী কাৰ্যসূচীত অংশগ্ৰহণৰ বাবে উৰ্ফি জাভেদে ১ লাখ টকা আৰু পুনম পাণ্ডেই ২০ হাজাৰ টকা লৈছিল।
সংবাদ সংস্থা ANIৰ সৈতে হোৱা কথোপকথনত ফাইজান আনছাৰীয়ে কয়, “অভিজিৎ দীপকেৰ বিৰুদ্ধে আজি মই দিল্লীৰ DCPৰ ওচৰত লিখিত অভিযোগ দাখিল কৰিছোঁ। অভিজিৎ দীপকেৰ সাংগোপাংগোই মোক আক্ৰমণ চলাইছিল। পুনে আৰু ঔৰংগাবাদত মোৰ ওপৰত CJPৰ লোকে আক্ৰমণ কৰিছিল। ইতিমধ্যে তেওঁৰ বিৰুদ্ধে দুটা গোচৰ ৰুজু হৈ আছে।” তেওঁ আৰু কয়, “মই বিচাৰোঁ দিল্লী আৰক্ষীয়ে অতি শীঘ্ৰে অভিজিৎ দীপকেক গ্ৰেপ্তাৰ কৰক, যাতে আগলৈ কোনো ধৰণৰ দাংগা-হাংগামা বা অপ্ৰীতিকৰ পৰিস্থিতিৰ সৃষ্টি নহয়।”
আনহাতে, দিল্লী আৰক্ষীৰ ওচৰত দাখিল কৰা লিখিত অভিযোগত ফাইজান আনছাৰীয়ে উল্লেখ কৰে, “অভিজিৎ দীপকেই পাকিস্তানৰ এজেণ্ট আৰু উমৰ খালিদৰ সমৰ্থক। তেওঁ বলিউডৰ কিছুমান চেলিব্ৰিটিক ধন দি যন্তৰ-মন্তৰত অনুষ্ঠিত প্ৰতিবাদত অংশগ্ৰহণ কৰিবলৈ মাতিছিল।”
অভিযোগ পত্ৰখনত আৰু উল্লেখ কৰা হৈছে যে, “উৰ্ফি জাভেদে ১ লাখ টকা আৰু পুনম পাণ্ডেই ২০ হাজাৰ টকা গ্ৰহণ কৰিছিল।
….মোৰ দাবী, উমৰ খালিদৰ দৰে অভিজিৎ দীপকেৰ বিৰুদ্ধেও আইনগত ব্যৱস্থা গ্ৰহণ কৰি কাৰাগাৰলৈ পঠিয়াব লাগে। তেওঁ দেশৰ পৰিৱেশ অশান্ত কৰাৰ চেষ্টা কৰিছে আৰু সময়মতে ব্যৱস্থা গ্ৰহণ নকৰিলে ভৱিষ্যতে হিংসাত্মক পৰিস্থিতিৰো সৃষ্টি কৰিব পাৰে।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
