অসম লাইভ ২৪ঃ চোৰ, ডকাইটি, হত্যা, মাৰপিট, ধৰ্ষণ আদি অপৰাধৰ বিৰুদ্ধে প্ৰতিদিনে অসংখ্য গোচৰ ৰুজু হয় আৰক্ষী থানাত৷ প্ৰতিদিনেই বিভিন্ন অভিযোগ-প্ৰতিঅভিযোগৰ মীমাংসা কৰে আৰক্ষীয়ে৷ কিন্তু এইবাৰ এটা অভিযোগৰ কাৰণ শুণই হতভম্ব আৰক্ষী৷ নিজৰ খীৰতী গাইজনীৰ বিৰুদ্ধে থানাত গোচৰ ৰুজু কৰিছে গৰাকীয়ে৷ গৰাকীৰ অভিযোগ যোৱা ৪ দিন ধৰি গাখীৰ দিয়া নাই গৰুজনীয়ে৷ এই ঘটনা কৰ্ণাটকৰ চিম’গা জিলাৰ৷ গৰাকীৰ ভাষ্য অনুসৰি গৰুৰ লগতে পোৱালীৰ লালন-পালনত কোনো ক্ৰুটি ৰখা নাই যদিও ৪ দিন ধৰি গাখীৰ নিদিয়াত সমস্যাত পৰিছে গৰাকী৷ সেয়েহে সমস্যা সমাধানৰ বাবে গৰাকী কাষ চাপিল আৰক্ষীৰ৷ এই ঘটনাই আৰক্ষী থানাত এতিয়া আমোদ দিছে সকলোকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
