আধাৰ কাৰ্ডত কিমান বাৰ সলনি কৰিব পাৰে নাম, নম্বৰ, ঠিকনা ?
আধাৰ কাৰ্ড আমাৰ বাবে এটা গুৰুত্বপূৰ্ণ নথি, সেয়েহে ইয়াক আপডেট কৰি ৰখাটো অতি প্ৰয়োজনীয়। স্কুল বা কলেজত নামভৰ্তি লোৱাই হওক বা চৰকাৰী যিকোনো প্ৰ-পত্ৰ পূৰণ কৰাই হওক, বৰ্তমান সময়ত আধাৰ কাৰ্ড এখন গুৰুত্বপূৰ্ণ নথি।
কিন্তু কেতিয়াবা আধাৰ কাৰ্ডত কিছু পৰিৱৰ্তন কৰিবলগীয়া হয়, বিশেষকৈ যেতিয়া আপোনাৰ ঠিকনা সলনি হয় নাইবা কোনো ডাঙৰ আপডেট কৰিব লগীয়া হয়। এনে পৰিস্থিতিত ইউআইডিএআইয়ে ইয়াৰ ব্যৱহাৰকাৰীসকলক তেনে কৰাৰ সুবিধা আৰু অনুমতি দিয়ে, কিন্তু সকলো আপডেটতে সীমাহীন বিকল্প নাথাকে।
UIDAI এ আধাৰ আপডেট কৰাটো সহজ আৰু সুবিধাজনক কৰি তুলিছে। কিছুমান তথ্য যেনে মোবাইল নম্বৰ আৰু ঠিকনা সীমাহীন বাৰ আপডেট কৰিব পাৰি, আনহাতে নাম আৰু জন্ম তাৰিখ সলনি কৰাৰ সীমা আছে।
আধাৰত নম্বৰ সীমাহীন সময়ৰ বাবে মোবাইল নম্বৰ সলনি কৰিব পাৰি।
নাম ২ বাৰ সলনি কৰাৰ সুবিধা থাকে। ইয়াজৰ বাবে প্ৰয়োজন হয় পেন কাৰ্ড,পাছপ’ৰ্ট, বিবাহৰ প্ৰমাণ পত্ৰ ইত্যাদি।
জন্ম তাৰিখ মাত্ৰ ১ বাৰ সলনি কৰাৰ সুবিধা থাকে। ইয়াৰ বাবে প্ৰয়োজন হয় জন্মৰ প্ৰমাণ পত্ৰ নাইবা বিদ্যালয়ৰ প্ৰমাণ পত্ৰ।
ঠিকনা সলনি কৰাৰ বাবে সীমাহীন সময় থাকে। ইয়াৰ বাবে প্ৰয়োজন হয় বিদ্যুতৰ বিল, বেংক ষ্টেটমেণ্ট ইত্যাদি।
পাছে কেনেকৈ আপডেট কৰিব আপোনাৰ প্ৰয়োজনীয় খিনি! আপুনি UIDAI ৱেবছাইট আৰু অফলাইনত আধাৰ সেৱা কেন্দ্ৰত গৈ অনলাইনত নাম, জন্ম তাৰিখ, ঠিকনা, লিংগ আপডেট কৰিব পাৰিব। কিন্তু কিছুমান বিশেষ আপডেট আছে যাৰ বাবে আপুনি আধাৰ সেৱা কেন্দ্ৰলৈ যাব লাগিব, য’ত বায়’মেট্ৰিক বিৱৰণ (ফিংগাৰপ্ৰিণ্ট, আইৰিছ স্কেন) আৰু মোবাইল নম্বৰ আপডেট আদি অন্তৰ্ভুক্ত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
