পুৱা ৪.৪৫ বজাত নিজৰ ঘৰতেই গুলিবিদ্ধ গোবিন্দা, আই চি ইউত ভৰ্তি
ভাৰতীয় ছবি জগতৰ অন্যতম অভিনেতা গোবিন্দা আজি পুৱা নিজৰ ঘৰতেই গুলিবিদ্ধ। পুৱা ৪.৪৫ বজাত ভৰিত গুলি লাগে আভিনেতাগৰাকীৰ। লগে লগে হাস্পতাললৈ নিয়া হয় গোবিন্দাক। বৰ্তমানে আই চি ইউত ভৰ্তি।
আজি ১ অক্টোবৰ তাৰিখ মঙলবাৰে পুৱা সংঘটিত হৈছে এই ঘটনা। চিকিৎসকে জনোৱামতে বৰ্তমানে সংকটমুক্ত অভিনেতাগৰাকী। তথাপি চিকিৎসকৰ তত্বাৱধানত ৰখা হৈছে গোবিন্দাক।
ঘটনা সন্দৰ্ভত জানিব পৰা অনুসৰি ৰিভলভাৰ চাফা কৰি থাকোঁতে গুলী লাগিল গোবিন্দাৰ। পুৱা ৪.৪৫ বজাত কলিকতালৈ বুলি এক কামৰ বাবে যাবলৈ সাজু হৈ আছিল গোবিন্দ। গোবিন্দই বাহিৰলৈ ওলোৱাৰ আগতে নিজৰ অনুজ্ঞাপত্ৰ থকা ৰিভলভাৰটো চাফা কৰি আছিল।
কিন্তু ভুলতে ৰিভলভাৰটো হাতৰ পৰা পৰি যায় আৰু গুলীৰে লোড গৈ থকা ৰিভলভাৰটোৰ পৰা গুলী ফুটি গোবিন্দাৰ ভৰিত লাগে। বৰ্তমান গোবিন্দা আন্ধেৰীৰ কৃতি কেয়াৰ হাস্পতালত ভৰ্তি হৈ আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
