১০০ বছৰৰ পাছত মীন ৰাশিত গঠিত হৈছে বিৰল সপ্তগ্ৰহী যোগ৷ আগন্তুক ২৯ মাৰ্চৰ পৰা এই যোগ গঠিত হ’ব৷ শনিয়ে কুম্ভ এৰি মীন ৰাশিত প্ৰৱেশ কৰাৰ লগে লগে এই বিৰল শুভ যোগ গঠিত হ’ব৷ ২৯ মাৰ্চৰ পৰা মীন ৰাশিত থাকিব শুক্ৰ, বুধ, সূৰ্য, মঙ্গল, চন্দ্ৰ, শনি আৰু নেপচুন৷ এই সাত গ্ৰহৰ মিলনৰ ফলত গঠিত হ’ব সপ্তগ্ৰহী যোগ৷ জ্যোতিষ গণনা অনুসৰি এই শুভ যোগৰ ফলত ভাগ্য খুলিব তিনি ৰাশিৰ জাতকৰ জীৱনত৷ জানি থওক সপ্তগ্ৰহী যোগৰ শুভ ফল পাব কোন কোন ৰাশিৰ জাতকে?
কৰ্কট ৰাশি
১০০ বছৰৰ পাছত যি সপ্তগ্ৰহী যোগ গঠিত হৈছে সেয়া লাভজনক হ’ব কৰ্কট ৰাশিৰ জাতকৰ বাবে৷ কৰ্কট ৰাশিৰ ভাগ্যৰ স্থানত এই যোগ গঠিত হ’ব৷ ইয়াৰ ফলত আপুনি সকলো কামতেই ভাগ্যৰ পূৰ্ণ সমৰ্থন পাব৷ ৰৈ থকা কাম সম্পূৰ্ণ কৰিব পাৰিব৷ আৰ্থিকভাৱেও উন্নতি কৰাৰ যোগ আছে৷ অফিচত আপোনাৰ কামৰ প্ৰশংসা পাব আৰু প্ৰমোছন পোৱাৰ সম্ভাৱনা আছে৷ বিদেশ যাত্ৰাৰ যোগ আছে৷ মনৰ দীৰ্ঘদিনৰ ইচ্ছা পূৰণ হ’ব পাৰে৷
কন্যা ৰাশি
সপ্তগ্ৰহী যোগৰ প্ৰভাৱত পজিটিভ পৰিবৰ্তন আহিব কন্যা ৰাশিৰ জাতকৰ জীৱনত৷ দাম্পত্য জীৱনত সুখ থাকিব৷ আৰু পাৰ্টনাৰৰ সৈতে সম্পৰ্ক আৰু শক্তিশালী হ’ব৷ কেৰিয়াৰতো এই সময়ত উন্নতি কৰিব পাৰে৷ অফিচত সন্মান আৰু প্ৰতিপত্তি বাঢ়িব কন্যা ৰাশিৰ জাতকৰ৷ শাৰীৰিক আৰু মানসিক অৱসাদ কটাই সকলো কামত নতুন এনাৰ্জি পাব৷ অবিবাহিতসকলে বিবাহৰ প্ৰস্তাৱ পাব পাৰে৷
মিথুন ৰাশি
সপ্তগ্ৰহী যোগৰ প্ৰভাৱত ২৯ মাৰ্চৰ পৰা ভাল দিন আহিব মিথুন ৰাশিৰ জাতকৰ জীৱনত৷ মিথুন ৰাশিৰ কৰ্মৰ ঘৰত এই যোগ গঠিত হ’ব৷ ইয়াৰ পলত আপুনি নিজৰ পৰিশ্ৰমৰ সম্পূৰ্ণ ফল পাব৷ ব্যৱসায়ত উন্নতিৰ যোগ আছে৷ নতুন চাকৰি পাব পাৰে৷ কেৰিয়াৰৰ গ্ৰাফ এই সময়ত ঊৰ্ধমুখী হ’ব৷ আৰ্থিক পৰিস্থিতিতো উন্নতিৰ জোৱাৰ আহিব৷ এই সময়ত বৃহৎ কোনো সাফল্য অৰ্জন কৰিব পাৰে মিথুন ৰাশিৰ জাতকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
