অসম লাইভ ২৪ঃ জনপ্ৰিয় অভিনেত্ৰী আইমী বৰুৱাৰ ওপজা দিন। প্ৰায় প্ৰতিসময়তে বিতৰ্কত সোমাই থকা আইমী বৰুৱাৰ ওপজা দিনটোতো বহুতেই সামাজিক মাধ্যমত আইমীক ট্ৰল কৰিছে। একাংশ ইউজাৰে আকৌ কৈছে, সমালোচনাক সহিব পৰা গুণ আইমী বৰুৱাৰ আছে বাবেই চৰ্চাৰ শিখৰত সদায়ে আইমী আছে।
মন্ত্ৰী পিয়ুষ হাজৰিকাৰ পত্নী হিচাপেও অভিনেত্ৰী আইমীৰ আছে অন্য এক পৰিচয়। আইমী বৰুৱাই দুটি সন্তানৰ সৈতে বিভিন্ন ফটো সামাজিক মাধ্যমত প্ৰায়েই শ্বেয়াৰ কৰে। মন্ত্ৰী পত্নী হ’লেও সন্তানক সহজ-সৰল জীৱনৰ শিক্ষা দিয়াত কতোৱেই আইমীয়ে যেন ত্ৰুতি ৰখা নাই। আইমী-পীয়ুষৰ প্ৰেম কেনেকৈ আৰম্ভ হৈছিল? কেনেকৈ আইমী হৈ পৰিছিল ৰাজনীতিবিদৰ পত্নী?
আইমী বৰুৱাই সৰুকালৰে পৰাই অভিনয় কৰি আহিছে। পীয়ুষো আইমীৰ অভিনয়ৰ অনুৰাগী অছিল। আইমী বৰুৱাই পূৰ্বে দিয়া এক সাক্ষাৎকাৰত কৈছিল, ‘পীয়ুষক লগ পাওঁতে তেওঁ ৰাজনীতিৰ সৈতে জড়িত ব্যক্তি বুলি মই গমেই পোৱা নাছিলো।’ NSUI কৰো বুলি পৰিচয় দিওতেও আইমীয়ে NSUI কৰো বুলি কওঁতে কিবা কোম্পানীত কাম কৰা বুলি ভাৱিছিল বুলি সাক্ষাৎকাৰত উল্লেখ কৰিছিল৷
পীয়ুষে আইমীৰ প্ৰেমত মত্ত হৈ বিয়াৰ প্ৰস্তাৱেই আগবঢ়ালে৷ আইমীয়ে যদিও প্ৰথমে এই প্ৰস্তাৱ স্বীকাৰ কৰা নাছিল পিছলৈ ঘৰুৱাভাৱে পীয়ুষে বিবাহৰ কথা আগবঢ়ায়৷ সাত জনমলৈ একেলগে থকাৰ প্ৰতিশ্ৰুতিৰে ২০১১ চনত বিবাহপাশত আবদ্ধ হয় আইমী-পীয়ুষ৷ তাৰ পিছৰে পৰাই আইমীৰ প্ৰতিখোজত ছাঁ হৈ আছে পীয়ুষ৷ ওপজা দিনটোত আইমীৰ অনুৰাগীমহলৰ লগতে বহু ৰাজনীতিবিদেও সামাজিক মাধ্যমযোগে শুভেচ্ছা জনাইছে আইমীক।
আনহাতে স্বামী পীয়ুষেও আইমীক শুভেচ্ছা জনাই সামাজিক মাধ্যমত লিখিছে, ‘সহধৰ্মিণী আইমীলৈ জন্মদিনৰ শুভেচ্ছা জনাইছোঁ। সংসাৰ-সন্তান তথা পৰিয়ালৰ লগতে নিজৰ কৰ্মক্ষেত্ৰ আৰু সামাজিক দায়িত্ব সমূহ সমানে সূচাৰুৰূপে সমাপণ কৰি অহা তোমাৰ সাৰ্মথ আৰু অফুৰন্ত শক্তি খিনিক সদায়েই আন্তৰিকতাৰে শ্ৰদ্ধা কৰোঁ, তোমাৰ দক্ষতাক লৈ সদায়েই গৌৰৱ অনুভৱ কৰোঁ। মোৰ সাহস-প্ৰেৰণা হৈ সদায়েই এই দৰে থাকা! মা কামাখ্যাৰ আশিসে সদায়েই তোমাক কুশলে ৰাখক। ‘
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
