সন্ত্ৰাসবাদীৰ হঠাতে আক্ৰমণ, কেইবাজনো সোনা জোৱান আহত, এজন শ্বহীদ
শনিবাৰে সন্ধিয়া প্ৰায় ৬.১৫ মান বজাত জম্মু-কাশ্মীৰৰ পুঞ্চ জিলাৰ সুৰনকোট অঞ্চলত বায়ুসেনাৰ কনভয়ত সন্ত্ৰাসবাদীৰ হঠাতে আক্ৰমণ। এম্বুছত এজন জোৱান শ্বহীদ হয়। আহত হৈছে আন চাৰিজন।
কনভয়ত থকা দুখন বাহনৰ ভিতৰত এখনক লক্ষ্য কৰি সন্ত্ৰাসবাদীয়ে নিৰ্বিচাৰে গুলীচালনা কৰে। বায়ুসেনাৰ মুখপাত্ৰই টুইটাৰযোগে জানিবলৈ দিয়ে যে সন্ত্ৰাসবাদীৰ সৈতে হোৱা মুখামুখিত বায়ুসেনাৰ পাঁচজন জোৱান আহত হৈছে।
আহত সকলক নিকট চিকিৎসালয়লৈ প্ৰেৰণ কৰা হয়। চিকিৎসাৰ সময়তে এজন জোৱানৰ মৃত্যু হয়। স্থানীয় সামৰিক ইউনিটসমূহে অঞ্চলটো ঘেৰাও কৰি অভিযান চলাই আছে।
ৰাজপথতে সামৰিক বাহনত আক্ৰমণ চলালে এম্বুছ সন্ত্ৰাসবাদীয়ে। সুৰংকোট অঞ্চলৰ ছানাই টপলৈ উভতি আহিছিল বায়ুসেনাৰ দুখন বাহন। তাৰেই এখন বাহন আহি পোৱাৰ লগে লগে সন্ত্ৰাসবাদীয়ে এখন বাহনক লক্ষ্য কৰি নিৰ্বিচাৰে গুলীচালনা কৰে। যাৰ ফলত বাহনখনৰ সমুখৰ গ্লাছত ১৪ৰ পৰা ১৫টা গুলিৰ চিন দেখা পোৱা গৈছে। বা
উল্লেখ্য যে, ২০২৩ বৰ্ষৰ ডিচেম্বৰৰ পিছত পুঞ্চত এইটো তৃতীয়টো আক্ৰমণ। ইয়াৰ পূৰ্বে ১২ জানুৱাৰীত কৃষ্ণ উপত্যকা অঞ্চলত সন্ত্ৰাসবাদীয়ে সামৰিক বাহনসমূহক লক্ষ্য কৰি লৈছিল, য’ত চাৰিজন জোৱান শ্বহীদ হৈছিল। ইয়াৰ পূৰ্বে ২০২৩ চনৰ ২২ ডিচেম্বৰত ডেৰা কি গলি অঞ্চলত সামৰিক বাহন আক্ৰমণ কৰা হৈছিল। এতিয়া এয়া তৃতীয়টো আক্ৰমণ। এই তিনিটা আক্ৰমণত ৫ জন জোৱান শ্বহীদ হোৱাৰ বিপৰীতে বহু জোৱান আহত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
