স্বামীৰ বিৰুদ্ধে এগৰাকী পত্নীৰ বিস্ফোৰক অভিযোগ উত্থাপন কৰিছে৷ পত্নীগৰাকীয়ে অভিযোগ কৰি কয় যে স্বামীয়ে তেওঁক বলপূৰ্বকভাৱে পত্নী বিমিময় পাৰ্টিলৈ নি অন্য পুৰুষেৰে যৌন সম্পৰ্ক স্থাপনৰ বাবে বাধ্য কৰাইছিল৷
আৰক্ষীয়ে প্ৰকাশ কৰা অনুসৰি ২০২১ চনৰ জুন মাহত মুজাফ্ফৰনগৰৰ মহিলাগৰাকীৰ গুৰগাঁৱৰ এগৰাকী ব্যৱসায়ীৰ সৈতে বিবাহপাশত আৱদ্ধ হৈছিল৷ প্ৰকাশ পোৱা মতে লোকজন মহিলাগৰাকীৰ দ্বিতীয় স্বামী৷
বিবাহৰ পিছৰে পৰা স্বামীয়ে মহিলাগৰাকীক পত্নী বিনিময় পাৰ্টিলৈ নি অন্য পুৰুষৰ সৈতে যৌন সম্পৰ্কৰ কৰিবলৈ দাবী ধমকিৰে বাধ্য কৰাই আহিছে৷ আনকি স্বামীৰ ভাতৃৰ সৈতেও মহিলাগৰাকীক যৌন সম্পৰ্ক কৰিবলৈ বাধ্য কৰোৱা হৈছিল৷
লগতে পঢ়ক ঐ ৰাম ভগৱন্ত মানৰ বিয়া এ! কাইলৈ মুখ্যমন্ত্ৰী মানৰ দ্বিতীয় বিবাহ
ইতিমধ্যে ঘটনা সন্দৰ্ভত মুজাফ্ফৰনগৰৰ অতিৰিক্ত মুখ্য ন্যায়িক দণ্ডাধীশ-প্ৰথম (এচিজেএম ১) আদালতত দাখিল কৰা এজাহাৰত তেওঁৰ স্বামী ব্যৱসায়ী তথা গুৰুগ্ৰামৰ বাসিন্দাই কেনেকৈ তেওঁক ভাবুকি দি বলপূৰ্বকভাৱে এনে কাম কৰিবলৈ বাধ্য কৰাই আহিছিল তাৰ বৰ্ণনা কৰিছে।
আদালতৰ নিৰ্দেশত উত্তৰ প্ৰদেশ আৰক্ষীয়ে তেওঁৰ স্বামী আৰু তেওঁৰ ভায়েকৰ বিৰুদ্ধে গোচৰ ৰুজু কৰিছে।
লগতে পঢ়ক আজি আন্তঃৰাষ্ট্ৰীয় চুম্বন দিৱস : জানো আহক চুম্বনৰ প্ৰকাৰ কি কি?
‘‘যদি মই পত্নী বিনিময় কৰা পাৰ্টিলৈ যাবলৈ অস্বীকাৰ কৰো তেন্তে মোৰ স্বামীয়ে মোক মাৰপিট কৰাৰ লগতে যৌন নিৰ্যাতন চলাইছিল। ২৪ এপ্ৰিলত মই গুৰুগ্ৰামৰ এখন থানাত অভিযোগ দাখিল কৰিবলৈ চেষ্টা কৰিছিলো কিন্তু বাটত মোৰ স্বামীৰ গুণ্ডাবোৰে মোক বাধা দিছিল। আৰু কাৰোবাৰ আগত এই কথা প্ৰকাশ কৰিলে মোক হত্যা কৰাৰ ভাবুকি দিছিল।’’ ভুক্তভোগী মহিলাগৰাকীয়ে কয়।
ইফালে নিউ মাণ্ডী আৰক্ষী থানাই অভিযুক্ত স্বামী আৰু তেওঁৰ ভাতৃৰ বিৰুদ্ধে ভাৰতীয় দণ্ডবিধি আইনৰ ৩৭৬ (ধৰ্ষণ), ৩০৭ (হত্যাৰ চেষ্টা), ৩২৩ (স্বেচ্ছাই আঘাত কৰি শাস্তি দিয়া), ৫০৪ (শান্তি ভংগ কৰাৰ উদ্দেশ্যে ইচ্ছাকৃতভাৱে অপমান কৰা) আৰু ৫০৬ (অপৰাধমূলক ভয় দেখুওৱাই অত্যাচাৰ) ধাৰাৰ অধীনত গোচৰ ৰুজু কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
