বলীউডৰ জনপ্ৰিয় অভিনেতা নৱাজুদ্দিন ছিদ্দিকীৰ পত্নী আলিয়া ছিদ্দিকীৰ বিৰুদ্ধে আৰ্থিক প্ৰৱঞ্চনাৰ অভিযোগ উত্থাপন হৈছে। আলিয়াৰ প্ৰডাকচন ভেঞ্চাৰ ‘হলি কাউ’ৰ সৃষ্টিশীল তথা সহ-প্ৰযোজক মঞ্জু গড়ৱালে আলিয়াই ছবিখনত বিনিয়োগ কৰা ৩১ লাখ টকা দিবলৈ অস্বীকাৰ কৰাৰ অভিযোগ উত্থাপন কৰিছে।
আলিয়াই কয় যে কেইবাবাৰো ধন ঘূৰাই বিচৰাৰ পিছতে আলিয়াই তেওঁক ধন ঘূৰাই নিদিয়াত ২০ জুনত আৰক্ষী ওচৰত এজাহাৰ দাখিল কৰিছিল। সংবাদ মাধ্যমৰ খবৰ অনুসৰি মঞ্জুৱে আলিয়াৰ বিৰুদ্ধে কেৱল ধনেই নহয় মানসিক নিৰ্যাতনৰ অভিযোগ উত্থাপন কৰিছে।
টাইমছ অৱ ইণ্ডিয়াৰ সৈতে হোৱা এক বাৰ্তালাপত মঞ্জুৱে কয়, ‘‘আলিয়া আৰু মই ২০০৫ চনৰ পৰা বন্ধু আছিলো আৰু বিগত কেইবাবছৰ ধৰি তেওঁ এগৰাকী প্ৰযোজক হ’ব বিচাৰিছিল। অৱশেষত সকলোবোৰ ঠিক হোৱাৰ পিছত তেওঁ মোক সৃষ্টিশীল কামবোৰ চম্ভালিবলৈ ক’লে আৰু তাই বিত্তীয় কামৰ যত্ন ল’লে। প্ৰজেক্টটোৰ বাবে কাষ্টিং কৰিলো, কিন্তু তেওঁলোকক দিয়া চেকবোৰ বাউন্স কৰিবলৈ ধৰিলে।’’
লগতে পঢ়ক আজি আন্তঃৰাষ্ট্ৰীয় চুম্বন দিৱস : জানো আহক চুম্বনৰ প্ৰকাৰ কি কি?
ভুক্তভোগী মঞ্জুৱে লগতে আৰু কয় যে আলিয়াৰ নিৰ্দেশত তেওঁৰ দেউতাকেও এই প্ৰকল্পত বিনিয়োগ কৰিছিল। মঞ্জুৱে কয়, ‘‘দেউতাই উজ্জয়নৰ ঘৰটো বিক্ৰী কৰাৰ বিষয়ে আলিয়াই জানিছিল। আলিয়াক যিহেতু টকাৰ প্ৰয়োজন আছিল, সেয়ে তেওঁ দেউতাক বুজাই ঘৰটো বিক্ৰী কৰি পোৱা টকাখিনি দিবলৈ ক’লে। আলিয়াই প্ৰায় এমাহৰ পিছত টকা ঘূৰাই দিব বুলি কৈছিল যদিও সেয়া নহ’ল।’’
মঞ্জুৰ মতে আলিয়া আৰু তেওঁৰ মাজত কাজিয়াৰ সৃষ্টি হোৱাৰ পিছত আলিয়াই ‘হলি কাউ’ত তেওঁৰ সৃষ্টিশীল আৰু সহ-প্ৰযোজকৰ ক্ৰেডিট দিবলৈকো অস্বীকাৰ কৰিছিল।
লগতে পঢ়ক দুটা ভাল খবৰে হাঁহি বিৰিঙাব কৰ্মচাৰীৰ মুখত! কি এই দুটা ভাল খবৰ? জানিবলৈ পঢ়ক…
মঞ্জুৱে আৰু কয় যে মই FWICE (Federation of Western India Cine Employees) ত এজাহাৰো দাখিল কৰাৰ পিছতে তেওঁ মোৰ দলৰ সৈতে টকাৰ বিষয়ে আলোচনা কৰিব বিচাৰিছে। ইফালে আলিয়াই মেডিকেল ৰিপৰ্ট দাখিল কৰি আৰক্ষীৰ অভিযোগৰ উত্তৰ দিবলৈ সময় বিচাৰিছে।
তাৎপর্যপূর্ণ কথাটো হ’ল যে ‘হলি কাউ’ ছবিখনৰ পৰিচালক হৈছে ছাই কবীৰ আৰু লগতে নৱাজুদ্দিন ছিদ্দিকী, সঞ্জয় মিশ্ৰ আৰু তিগমাংশু ধুলীয়াকো ছবিখনত গুৰুত্বপূৰ্ণ ভূমিকাত দেখা যাব। আগষ্ট মাহত মুক্তি পাব ছবিখন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
