অসম লাইভ ২৪ঃ ৰাজ্যত পুনৰ আৰম্ভ হৈছে অসম আৰক্ষীৰ দালালবিৰোধী অভিযান। এইবাৰ ২১০ ৰো অধিক আৰক্ষী থানাত গ্রেপ্তাৰ কৰা হৈছে দালাল। এজাহাৰ লিখি দিয়াৰ নামত ৰাইজৰ পৰা সংগ্রহ কৰিছিল বৃহৎ পৰিমানৰ ধন। ৰাজ্যৰ ভিন্ন থানাত বাহৰ পাতি আছিল ধৃত দালালে। যাৰ বাবে আৰক্ষীয়ে পুনৰ আৰম্ভ কৰিছে দালালবিৰোধী অভিযান।
ছয়গাঁও, বকোত ১৩টাকৈ থানাৰ দালালক আটক কৰা হৈছে। আনহাতে গৰৈমাৰী আৰক্ষীয়ে ৫টাকৈ দালাল আটক কৰিছে। জোৰশিমুলি আৰক্ষীয়ে আটক কৰিছে ২টা দালাল। সোণতলী আৰক্ষীয়ে আটক কৰিছে ৫টাকৈ দালাল।
উজনিৰ যোৰহাটতো ৯জন, শিৱসাগৰত ৬জন, গোলাঘাটত ৫জন দালালক আটক কৰা হৈছে। ডিব্ৰুগড়ত ৫জনক আটক, চৰাইদেউত আটক ২জন দালালক। একেদৰে বিশ্বনাথ চাৰিআলিত ৭জনক, শোণিতপুৰত আটক কৰা হৈছে ৬জন দালালক। লখিমপুৰত ৮জন, ওদালগুৰিত ৬জন, ধেমাজিত ৫জন, হোজাইত ৮জন, নগাঁৱত ১২টা দালালক আৰক্ষীয়ে আটক কৰিছে।
দক্ষিণ শালমাৰা, মানকাছৰত ৫টাকৈ দালালক আটক কৰাৰ লগতে ধুবুৰীত ৭জনক, বজালীত ১জনক, গোৱালপাৰাত ১৩জনক, বঙাইগাঁৱত ১২জনক, বৰপেটাত ৩জনক আটক কৰিছে আৰক্ষীয়ে। কৰিমগঞ্জত ১০জন, কোকৰাঝাৰত ৭জন, কাছাৰত ১০জন, কামৰূপত ৩৭জন, দৰঙত ৯জনক আটক কৰিছে আৰক্ষীয়ে। মহানগৰীটো হাত সাৰি নগ’ল দালাল। গুৱাহাটীত ৮জন দালাল আটক কৰিছে আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
