ভাৰতত বন্দে ভাৰত এক্সপ্ৰেছ, ৰাজধানী এক্সপ্ৰেছ, শতাব্দী এক্সপ্ৰেছকে ধৰি অসংখ্য প্ৰিমিয়াম আৰু বিলাসী ৰে’ল আছে৷ কিন্তু জানেনে এইসমূহতকৈয়ো বিলাসী ৰে’ল আমাৰ দেশতেই চলে৷ এই ৰে’ল কেৱল ভাৰতৰেই নহয় এছিয়াৰো আটাইতকৈ দামী ৰে’ল৷ এই ৰে’লত ৰেষ্টুৰেণ্ড, লাউঞ্জৰ দৰে সকলো বিলাসী সুবিধা আছে৷
এছিয়াৰ আটাইতকৈ দামী ৰে’ল
মহাৰাজ এক্সপ্ৰেছ এছিয়াৰ আটাইতকৈ দামী ৰে’ল হিচাপে পৰিগণিত হৈছে৷ বিলাসী ৰে’লখনৰ টিকট এছিয়াৰ ভিতৰত আটাইতকৈ ব্যয়বহুল বুলি গণ্য কৰা হয়৷ বিগত বছৰত ৰাষ্ট্ৰপতি দ্ৰৌপদী মুৰ্মূৱেও মহাৰাজ এক্সপ্ৰেছত যাত্ৰা কৰিছিল৷ মহাৰাজ এক্সপ্ৰেছক বিশ্বৰ অন্যতম বিলাসী ৰে’ল বুলি গণ্য কৰা হয়। এই ৰে’লত যাত্ৰীসকলৰ বাবে ৰাষ্ট্ৰপতিৰ ছুইট, ডিলাক্স ছুইট, ফাইন ডাইনিং ৰেষ্টুৰেণ্ড আৰু বিলাসী লাউঞ্জকে ধৰি বিশ্বমানৰ সুবিধা উপলব্ধ৷
৪ ধৰণৰ পেকেজ
এই ৰেলখনৰ বাবে চাৰি ধৰণৰ পেকেজ আছে
দ্য ইণ্ডিয়ান পেনোৰামা (৬এন/৭ডি)
হেৰিটেজ অৱ ইণ্ডিয়া (৬এন/৭ডি)
দ্য ইণ্ডিয়ান স্প্লেণ্ডাৰ (৬এন/৭ডি)
আৰু ট্ৰেজাৰ্ছ অৱ ইণ্ডিয়া (৩এন/৪ডি)
টিকটৰ ভাৰা কিমান?
ভাৰতৰ সাংস্কৃতিক ঐতিহ্য প্ৰদৰ্শন কৰা মহাৰাজা এক্সপ্ৰেছ নামৰ ৰেলখন আই আৰ চি টি চিয়ে পৰিচালনা কৰে। মহাৰাজা এক্সপ্ৰেছৰ সৰ্বোচ্চ ভাড়া ৭ দিন আৰু ৬ ৰাতিৰ যাত্ৰাৰ বাবে প্ৰতিজন ব্যক্তিৰ বাবে ২০.৯০ লাখ । এই মূল্যত বৰ্তমান ১৩৫ৰ পৰা ১৫০ গ্ৰাম সোণ ক্ৰয় কৰিব পাৰি৷ আটাইতকৈ কম মূল্যৰ যাত্ৰা আৰম্ভ হয় প্ৰতিজনৰ বাবে ৩৯০,৬০০টকাৰে। এই ডিলাক্স কেবিনত ৩ ৰাতি ৪ দিন যাত্ৰা কৰিব পাৰি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
