উপ-নিৰ্বাচনৰ পূৰ্বে ৰাজনীতিৰ পথাৰত নতুন বন্ধুত্ব, কংগ্ৰেছক সংগ দিব AIUDF-এ
উপ-নিৰ্বাচনলৈ মাজত মাথো কেইটামান দিন বাকি। অহা নৱেম্বৰ মাহৰ ১৩ তাৰিখে অনুষ্ঠিত হব উপ-নিৰ্বাচন। ৰাজ্যৰ ৫ সমষ্টিত এই উপ-নিৰ্বাচন অনুষ্ঠিত হব। সেই উদ্দেশ্য দেশৰ লগতে অসমতো গৰম হৈ পৰিছে ৰাজনীতিৰ পথাৰ।
ক২৫ অক্টোবৰ মনোনয়ন পত্ৰ দাখিলৰ অন্তিম তাৰিখ। সেই উদ্দেশ্য ইতিমধ্যে বিজেপি আৰু কংগ্ৰেছ দুয়ো দলে নিজ নিজ দলৰ প্ৰাৰ্থীৰ নাম সদৰি কৰিছে। তাৰেই মাজত পোহৰলৈ আহিছে এক গৰম খবৰ। উপ-নিৰ্বানৰ পূৰ্বে ৰাজ্যত দেখা দিছে এক নতুন সম্পৰ্ক।
এইবাৰৰ উপ-নিৰ্বাচনৰ পূৰ্বে কংগ্ৰেছ দলক সংগ দিব এ আই ইউ ডি এফ দলে। এই কথা নিজেই সদৰি কৰিছে দলটোৰ মুখ্য নেতা বদৰুদ্দিন আজমলে। বদৰুদ্দিন আজমলৰ দলে চামগুৰি সমষ্টিত এইবাৰ কোনো প্ৰাৰ্থীত্ব নিদিয়ে।
ভোট বেংক যাতে বিভাজিত নহয়, সেই উদ্দেশ্যেই এই সিদ্ধান্ত দলটোৰ। মুঠৰ ওপৰত বিজেপিক এই আসনত জয়ী হব দিয়া নহব বুলি মন্তব্য আজমলৰ।
চামগুৰিৰ এই সমষ্টিত কংগ্ৰেছে ৰকিবুল হুছেইনক পুত্ৰ তানজিল হুছেইনক প্ৰাৰ্থীত্ব প্ৰদান কৰিছে। সেই তানজিল হুছেইনকে সমৰ্থন আগবঢ়াইছে আজমলৰ এ আই উফ ডি এফ দলে।
উল্লেখ্য যে, বিগত নিৰ্বাচনৰ ধুবুৰী সমষ্টিত এ আই উফ ডি এফৰ বদৰুদ্দিন আজমলৰ বিৰুদ্ধে কংগ্ৰেছৰ হৈ ৰকিবুল হুছেইনে প্ৰাৰ্থীত্ব প্ৰদান কৰিছিল। সেই নিৰ্বাচনত ৰকিবুল হুছেইনে ৪ লাখ ভোটৰ ব্যৱধানত বদৰুদ্দিন আজমলক পৰাস্ত কৰিছিল।
পাছে সেই পৰাজয়ৰ পাছতো বদৰুদ্দিন আজমলে ৰকিবুলৰ ওপৰত কোনো ধৰণৰ প্ৰতিশোধ নলয়, বৰঞ্চ ৰকিবুলৰ পুত্ৰক এই উপ-নিৰ্বাচনত জয়ী হোৱাত সমৰ্থন আগবঢ়াব বুলি মন্তব্য প্ৰকাশ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
