আজাৰবাইজান এয়াৰলাইন্সৰ এখন যাত্ৰীবাহী বিমান কাজাখস্তানৰ আকতাউত ভাঙি পৰিছে৷ ইয়াৰপাছতেই দুৰ্ঘটনাগ্ৰস্থ বিমানখনৰ বিস্ফোৰণ ঘটে৷ কাজাখস্তান চৰকাৰৰ জৰুৰী মন্ত্ৰণালয়ৰ তৰফৰ পৰা এই খবৰ নিশ্চিত কৰা হৈছে৷ সেই বিমানত ৬৭ জন যাত্ৰী আছিল৷ ফলত বহু যাত্ৰীৰ মৃত্যুৰ আশংকা কৰা হৈছে৷
বিমানি আজাৰবাইজানৰ ৰাজধানী বাকুৰ পৰা ৰাছিয়াৰ চেচনিয়াৰ গ্ৰজোনিলৈ গৈছিল বিমানখন৷ জনা গৈছে যে ঘন কুঁৱলিৰ কাৰণে বিমানখনক অন্য পথেৰে ঘুৰোৱা হৈছিল৷ বিমানখনৰ পাইলটে জৰুৰী অৱতৰণৰ অনুৰোধ জনাই কেইবাবাৰো বিমানবন্দৰৰ আশে পাশে ঘূৰিও থাকে৷ কিন্তু শেষৰক্ষা নহ’ল৷ বিমানখন মাজপথতেই নিয়ন্ত্ৰণ হেৰুৱাই দুৰ্ঘটনাত বাগৰি পৰে৷ এটা ভিডিঅ২ত দেখা গৈছে যে বিমান বন্দৰৰ ওপৰত ঘূৰি আছিল বিমানখন৷
তাৰপাছতেই ক্ৰমশ সোঁপ্ৰান্তলৈ হালি পৰে৷ তাৰপাছতেই সেয়া ভাঙি পৰে৷ ভিডিঅ’টোত দুৰ্ঘটনাস্থলত এম্বুলেন্স অনাও দেখা গৈছে৷ কিছু লোকক উদ্ধাৰ কৰা হৈছে আৰু বিমানৰ পিছৰ প্ৰান্তত অৱস্থিত জৰুৰী প্ৰস্থানৰ পৰা তেওঁলোকক নমোৱা হৈছে৷ ভিডিঅ’ত দেখা গৈছে যে সেই বিমানৰ ৰেজিষ্ট্ৰেচন নম্বৰ 4K-AZ65, যি FlightRadar24ত উপলব্ধ ডাটাৰ সৈতে মিলি গৈছে৷
অনলাইন ফ্লাইট ট্ৰেকিং ৱেবচাইট FlightRadar24ৰ পৰা পোৱা তথ্য অনুসৰি বিমানখন কাস্পিয়ান সাগৰৰ ওপৰেৰে উৰিছিল আৰু চেচনিয়া সেই বিমানৰ গন্তব্যস্থান আছিল৷ বিমানখনে ৰাছিয়াৰ সীমনাত প্ৰৱেশ কৰিছিল আৰু জৰুৰী অৱতৰণৰ অনুৰোধ জনাই বিমানবন্দৰৰ কাষতেই ঘূৰি ফুৰিছিল৷ ভাৰতীয় সময় অনুসৰি পুৱা ৬.২৮মিনিটত বিনটি বিমানবন্দৰৰ পৰা কেইকিঃমিঃ দূৰৈৰ কাস্পিয়ান সাগৰৰ তীৰত ভাঙি পৰে৷
শেহতীয়া খবৰ অনুসৰি দুৰ্ঘটনাগ্ৰস্থ বিমানৰ ১৪ জন যাত্ৰীক আকাতাউ চহৰৰ হাস্পতালত ভৰ্তি কৰোৱা গৈছে৷ দুৰ্ঘটনাগ্ৰস্থ বিমানৰ ১৪জন যাত্ৰীক বৰ্তমান পৰ্যন্ত আকতাউ চহৰৰ হাস্পতালত ভৰ্তি কৰোৱা হৈছে৷ এওঁলোকৰ ভিতৰত ১১ বছৰ বয়সীয়া এটি কিশোৰ আৰু ১৬ বছৰ বয়সীয়া এজন কিশোৰসহ পাঁচজনৰ অৱস্থা সংকটজনক৷ নিহতৰ সংখ্যা বৰ্তমানলৈ ৩৫গৰাকী বুলি জানিব পৰা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
