১৩১ টা বলত শূণ্য, ১ ৰান কৰিবলৈয়ো সক্ষম নহয় বিপক্ষ, আজিয়ো অক্ষত অৱস্থাত ভাৰতীয় খেলুৱৈৰ অভিলেখ
বহু ভাৰতীয় খেলুৱৈয়ে ক্ৰিকেট জগতত নিজৰ প্ৰদৰ্শনেৰে এক সুকীয়া সুকীয়া চিন ৰাখিছে। এই খেলুৱৈসকলে সময়ে সময়ে এনে অভিলেখ গঢ়ি তুলিছে, যিবোৰ বহু বছৰ ধৰি ভংগ হোৱা নাই। এনে কিছুমান অভিলেখ আছে যিবোৰ আজিও ভাৰতীয় খেলুৱৈৰ নামত অক্ষত হৈ আছে। তেনেই এগৰাকী ভাৰতীয় খেলুৱৈ, যাৰ নামত আজিও এক আচৰিত তথা অভিলেখ অক্ষত হৈ আছে। সেই খেলুৱৈ গৰাকী হৈছে বাপু নাডকাৰ্ণী। যিয়ে এসময়ত একেৰাহে ২১টা মেডেন অভাৰত বলিং কৰি আলোড়নৰ সৃষ্টি কৰিছিল। ইতিমধ্যে বাপু নাডকাৰ্ণীয়ে এই ধৰাৰ পৰা চিৰ বিদায় মাগিছে।
ক্ৰিকেটৰ পথাৰত এই আচৰিত ঘটনা সংঘটিত হৈছিল ১৯৬৬ চনত। যেতিয়া প্ৰয়াত স্পিনাৰ নাডকাৰ্ণীয়ে একেৰাহে ১৩১টা ডট বল কৰি ইংৰাজ বেটছমেনক পৰাস্ত কৰিছিল। ভাৰত আৰু ইংলেণ্ডৰ এই খেলখন মাদ্ৰাজ (বৰ্তমান চেন্নাই)ত অনুষ্ঠিত হৈছিল।
আশ্চৰ্যজনক কথাটো হ’ল এই আকর্ষণীয় প্রদর্শন সত্ত্বেও সেই অভাৰত কোনো উইকেট দখল কৰা নাছিল, যদিও এক ৰানো কৰিব দিয়া নাছিল৷ সেই সময়ত মহা বিমোৰত পৰিছিল ইংৰাজ বেটছমেনসকলক। শতকৰ ঘৰত বল হেৰুৱাইয়ো ৰাণৰ ঘৰত শূণ্য।
নাডকাৰ্ণী কেৱল বলিঙতে সীমাবদ্ধ নাছিল, ফিল্ডিঙতো ফলপ্ৰসূ আছিল। টেষ্টত তেওঁৰ সৰ্বোত্তম স্ক’ৰ ১২২, যিয়ে প্ৰমাণ কৰে যে তেওঁৰ বেটিঙো শক্তিশালী আছিল। তেওঁৰ টেষ্ট কেৰিয়াৰত ১৪১৪ ৰান সংগ্ৰহ কৰিছিল, য’ত এটা শতক আৰু ৭টা পঞ্চাশ ৰান আছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
