অসম লাইভ২৪ঃ ৰাজস্থানৰ ৰাজনীতিৰ সৈতে ৰাজপৰিয়ালৰ যোগসূত্ৰ থকাটো নতুন কথা নহয়। স্বাধীনতাৰ পৰবৰ্তীকালত ৰাজপৰিয়ালৰ সদস্যসকলে দেশৰ গণতান্ত্ৰিক পন্থাৰ ৰাজনীতিৰ সৈতে ওতপ্ৰোতভাৱে জড়িত হৈ পৰিছে। এইবাৰৰ নিৰ্বাচনো ব্যতিক্ৰম নহয়। শনিবাৰে ৰাজস্থানৰ লোকে ভোটিং মেছিনত সকলো প্ৰশ্নৰ উত্তৰ দিব। বাচি ল’ব তেওঁলোকৰ বিধানসভাৰ পছন্দৰ প্ৰতিনিধি। এই প্ৰতিনিধিৰ তালিকাত আছে ৬জন ৰাজপৰিয়ালৰ সদস্য।
ৰাজপুত সংগঠনৰ প্ৰতাপ ফাউণ্ডেছনৰ সদস্য মহাবীৰ সিং ছাৰাভাদিৰ মতে, ‘মানুহে এতিয়াও ৰাজপৰিয়ালৰ সদস্যসকলক সন্মানৰ চকুৰে চায়। সাধাৰণ লোকে বিশ্বাস কৰে, ৰজা-ৰানীসকলৰ ওপৰত ভিত্তি কৰিয়েই নিৰ্বাচনী বৈতৰণী পাৰ হ’বলৈ চেষ্টা কৰিছে ৰাজস্থানৰ আটাইকেইটা দলে। ৰাজপৰিয়ালৰ ৬জন সদস্যই এইবাৰো নিৰ্বাচন খেলিছে। ইয়াৰমাজতেই ৫জন বিজেপিৰ প্ৰতিনিধি আৰু এজন কংগ্ৰেছৰ। এইসকলৰ ভিতৰত আছে
বসুন্ধৰা ৰাজেঃ ধোলপুৰ ৰাজপৰিয়ালৰ সদস্য
ৰাজস্থানৰ দুবাৰৰ প্ৰাক্তন মুখ্যমন্ত্ৰী বসুন্ধৰা ৰাজে গোৱালিয়ৰৰ সিন্ধিয়া ৰাজপৰিয়ালৰ পৰা আহিছে বসুন্ধৰা। বসুন্ধৰা ৰাজে ধোলপুৰ ৰাজপৰিয়ালৰ ৰজা হেমন্ত সিঙৰ সৈতে বিবাহপাশত আৱদ্ধ হয়। ৰাজৰ মাতৃ বিজয়া ৰাজে সিন্ধিয়াও ভাৰতী. জন সংঘৰ প্ৰতিষ্ঠাতা সদস্য আছিল। বৰ্তমান তেওঁ বিজেপিৰ সদস্য।
ধোলপুৰ বিজেপিৰ উপসভাপতি তথা ৫বাৰৰ সাংসদ বসুন্ধৰা ৰাজে ১৯৯৮ চনত প্ৰাক্তন প্ৰধানমন্ত্ৰী অটল বিহাৰী বাজপেয়ীৰ মন্ত্ৰীসভাত কেন্দ্ৰীয় মন্ত্ৰী হিচাপেও আছিল। বিগত বহুবছৰ ধৰি দলীয় কামত ওতঃপ্ৰোতভাৱে জড়িত হৈ আছে বসুন্ধৰা। ৰাজস্থান বিজেপিত তেওঁ লেখত ল’বলগীয়া নেত্ৰী। কংগ্ৰেছে এইবাৰ ধোলপুৰ সমষ্টিৰ পৰা ৰাজেৰ বিপৰীতে নতুন মুখ লাল লাল চৌহানক প্ৰাৰ্থী হিচাপে থিয় কৰাইছে।
দিয়া কুমাৰীঃ জয়পুৰ ৰাজপৰিয়ালৰ ৰাজকুমাৰী
গায়ত্ৰী দেৱীৰ তুলনীয়া পুত্ৰ ভৱানী সিঙৰ কন্যা দিয়া কুমাৰীয়ে ১০ বছৰ পূৰ্বে ৰাজস্থানৰ ৰাজনৈতিক ক্ষেত্ৰত ভৰি দিছিল। ২০১৩ চনত মাধোপুৰৰ পৰা বিধায়কো হৈছিল দিয়া কুমাৰী। তাৰপিছতেই ২০১৯ চনত তেওঁ ৰাজছামন্দৰ পৰা সাংসদ হয়। দিয়া কুমাৰীয়ে এইবাৰৰ নিৰ্বাচনী প্ৰচাৰত অংশ লৈ ‘জয়পুৰ কি বেটী’ বুলি প্ৰচাৰ চলাইছে। জয়পুৰৰ বিদ্যাধৰ নগৰৰ এখন গুৰুত্বপূৰ্ণ আসনত তেওঁ নিৰ্বাচনী প্ৰতিদ্বন্দিতা আগবঢ়াইছে। তেওঁ ৰাজস্থানৰ বিজেপিৰ ৭ সাংসদৰ মাজত এজন।
সুশ্ৰী সিদ্ধি কুমাৰীঃ বিকানেৰ ৰাজপৰিয়ালৰ ৰাজকুমাৰী
প্ৰাক্তন সাংসদ মহাৰাজা কৰ্নি সিং বাহাদুৰৰ নাতিনী সুশ্ৰী। সুশ্ৰী সিদ্ধি কুমাৰীয়ে ২০০৮ চনৰ পৰা বিকানেৰত ৩বাৰকৈ বিজেপিৰ প্ৰাৰ্থী হিচাপে জয়ী হৈছে। ২০১৮ চনত সিদ্ধিয়ে কংগ্ৰেছৰ কানহাইয়া ঋা্ঁওক ৩% ভোটৰ পৰাস্ত কৰাইছিল। এইবাৰ সেই সমষ্টিত সিদ্ধিয়ে পুনৰ প্ৰতিদ্বন্দিতা আগবঢ়াইছে। সিদ্ধিৰ বিপৰীতে কংগ্ৰেছৰ প্ৰবীন নেতা যশপাল গেহলটক সেই সমষ্টিত বিৰোধী প্ৰাৰ্থী হিচাপে থিয় কৰাইছে কংগ্ৰেছ দলে।
কল্পনা দেৱীঃ কোটা ৰাজপৰিয়াৰ ৰাণী
মহাৰাও ইজৰাজ সিংহৰ পত্নী কল্পনা দেৱী, কোটাৰ লাদপুৰা আসনত বৰ্তমান বিজেপিৰ বিধায়ক। ২০১৮ চনত তেওঁ প্ৰথমে সেই আসনত প্ৰতিদ্বন্দিতা কৰে। ৫৩% ভোট লাভ কৰি কংগ্ৰেছৰ গুলানাজ গুড্ডুক পৰাস্ত কৰাইছিল কল্পনাই। তেওঁৰ স্বামী ইজৰাজেও ২০০৯ চনত কংগ্ৰেছৰ প্ৰাৰ্থী হিচাপে জয়ী হয় কোটাৰ সাংসদৰ আসনত বহে। কিন্তু ২০১৮ চনত তেওঁক কংগ্ৰেছ দলে টিকেট নিদিয়াৰ বাবে বিজেপিত যোগদান কৰে। কল্পনাৰ বিপৰীতে কংগ্ৰেছৰ প্ৰাৰ্থী হিচাপে এইবাৰ প্ৰতিদ্বন্দিতা কৰিছে ৰাজস্থান প্ৰদেশ কংগ্ৰেছৰ সচিব নাইমুদ্দিন গুড্ডুৱে।
কুনুৱাৰা বিশ্বৰাজ সিং মেৱাৰঃ উদয়পুৰ ৰাজপৰিয়ালৰ যুৱৰাজ
সুপৰিচিত ৰাজপুত যোদ্ধা ৰজা মহাৰানা প্ৰতাপৰ বংশধৰ বিশ্বৰাজ সিং মেৱাৰ। বিগত ১৭ অক্টোবৰত তেওঁ বিজেপিত যোগদান কৰিছে। তেওঁকেই মুখ্য প্ৰচাৰক হিচাপে লৈ বিজেপিয়ে উদয়পুৰত নিৰ্বাচনী প্ৰচাৰ চলাইছিল। কংগ্ৰেছৰ দূৰ্গ ভাঙিবলৈ তেওঁক ব্যৱহাৰ কৰাৰ ফল বিজেপিয়ে লাভ কৰিবনে সেয়া আজি নিৰ্ণয় কৰিব উদয়পুৰৰ ভোটাৰে।
বিশ্বেন্দ্ৰ সিংঃ ভৰতপুৰ ৰাজপৰিয়ালৰ ৰজা
ভৰতপুৰৰ শেষ শাসক ব্ৰিজেন্দ্ৰ সিঙৰ সন্তান বিশ্বেন্দ্ৰ তিনিবাৰ বিজেপিৰ সাংসদ হয়। ১৯৯৯ আৰু ২০০৮ চনত দুবাৰ কেন্দ্ৰীয় মন্ত্ৰীও হৈছিল। ভৰতপুৰৰ ৰজা ব্ৰিদেন্দ্ৰ সিঙে ১৯৯৮ চনত বিজেপিৰ টিকেটত কুমহেৰ আসনৰ পৰা প্ৰথমবাৰ বিধানসভা নিৰ্বাচনত প্ৰতিদ্বন্দিতা কৰিছিল। কিন্তু কংগ্ৰেছৰ হৰি সিঙৰ হাতত তেওঁ মাত্ৰ ৯৪৫টা ভোটত পৰাস্ত হয়। ২০০৮ চনত তেওঁ বিজেপিৰ বিৰুদ্ধাচাৰণ কৰি কংগ্ৰেছত যোগ দিয়ে।
২০০৮ চনৰ বিধানসভা নিৰ্বাচনত বিশ্বেন্দ্ৰ আকৌ কংগ্ৰেছৰ প্রাৰ্থী হৈ নিৰ্বাচন খেনে। তেওঁ তিনিবাৰকৈ কংগ্ৰেছ দলৰ পৰা নিৰ্বাচন খেলী জয়ী হৈ মন্ত্ৰীসভাত আছে। মুখ্যমন্ত্ৰী অশোক গেহলটে তেওঁক ৰাজ্যিক বিমান পৰিবহণ মন্ত্ৰীৰ পদৱী দিছে। এইবাৰো তেওঁ সেই একেই সমষ্টিৰ পৰা প্ৰতিদ্বন্দিতা আগবঢ়াইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
