প্ৰবীণ অভিনেতা ধৰ্মেন্দ্ৰৰ বিৰুদ্ধে আদালতে জাৰি কৰিলে চমন, প্ৰৱঞ্চনাৰ সৈতে জড়িত গোচৰ
শেহতীয়াকৈ দিল্লীৰ পাটিয়ালা হাউছ কোৰ্টে ‘গৰম ধৰ্ম ধাবা’ ফ্ৰেঞ্চাইজিৰ সৈতে জড়িত জালিয়াতিৰ গোচৰত বলীউডৰ প্ৰবীণ অভিনেতা ধৰ্মেন্দ্ৰৰ বিৰুদ্ধে চমন জাৰি কৰিছে। অভিনেতা ধৰ্মেন্দ্ৰৰ লগতে আৰু আন দুজন লোকৰ বিৰুদ্ধেও জাৰি কৰি চমন।
ন্যায়িক দণ্ডাধীশ যশদীপ চাহালে দিল্লীৰ ব্যৱসায়ী সুশীল কুমাৰে গৰম ধৰম ধাবাৰ ফ্ৰেঞ্চাইজিত বিনিয়োগ কৰিবলৈ প্ৰলোভিত কৰি প্ৰতাৰণা কৰাৰ অভিযোগ উত্থাপন কৰি দাখিল কৰা এজাহাৰৰ ভিত্তিত জাৰি কৰা হৈছে এই চমন।
৫ ডিচেম্বৰত গৃহীত চমন অৰ্ডাৰত ন্যায়াধীশগৰাকীয়ে কয় যে, “প্ৰাইমা ফেচি, ৰেকৰ্ডত থকা প্ৰমাণে ইংগিত দিয়ে যে অভিযুক্ত ব্যক্তিসকলে অভিযোগকাৰীক তেওঁলোকৰ উমৈহতীয়া উদ্দেশ্যক আগুৱাই নিবলৈ প্ৰৰোচিত কৰিছিল আৰু প্ৰৱঞ্চনাৰ অপৰাধৰ উপাদানসমূহ যথাযথভাৱে প্ৰকাশ কৰা হৈছিল।”
আদালতে লগতে ইয়াকো কয় যে, ধাৰাবাহিক নং ১ (অভিনেতা ধৰম সিং দেউল তথা ধৰ্মেন্দ্ৰ), ২ আৰু ৩ৰ অভিযুক্ত ব্যক্তিসকলক ধাৰা ৩৪ আইপিচিৰ অধীনত আদালতত হাজিৰ হ’ব লাগিব। বিষয়টো সন্দৰ্ভত পৰৱৰ্তী শুনানি ২০২৫ চনৰ ২০ ফেব্ৰুৱাৰীত অনুষ্ঠিত হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
