কোনো কোচিং গ্ৰহণ নকৰাকৈ কেন্দ্ৰীয় লোকসেৱা আয়োগৰ ইউ পি এছ চি পৰীক্ষাত যোগ্যতা অৰ্জন কৰি এজন আই পি এছ বিষয়াৰ প্ৰশিক্ষণ সম্পূৰ্ণ কৰাটো সাধাৰণ কাম নহয়। কিন্তু মধ্যপ্ৰদেশৰ ভোপালৰ আই পি এছ বিষয়া ছিমলা প্ৰসাদে নিজৰ মেধাৰ বলত কৃতিত্ব অৰ্জন কৰিলে। ইয়াৰ বাহিৰেও তেওঁ বলীউডৰ ছবিত অভিয়ন কৰি নিজৰ প্ৰতিভাৰ পৰিচয় দিছে।
অতি ব্যস্ত এগৰাকী আই পি এছ বিষয়াই তীব্ৰ প্ৰতিদ্বন্দ্বিতাপূৰ্ণ বলীউডৰ ছবিত অভিনয় কৰাটো অতি প্ৰত্যাহ্বানজনক কাম৷ কিন্তু এই প্ৰত্যাহ্বানকো হেলাৰঙে অতিক্ৰম কৰি প্ৰতিভাৰ পৰিচয় দিছে ২০১০ চনৰ বেচৰ আই পি এছ বিষয়া সুন্দৰী ছিমলা প্ৰসাদে।
লগতে পঢ়ক ৭ পুত্ৰই গোচৰ তৰিলে আৰক্ষীক, পঞ্চম বিবাহ মণ্ডপৰ পৰাই গ্ৰেপ্তাৰ ৫৫ বছৰীয়া দৰাক!
আই পি এছ বিষয়া ছিমলা প্ৰসাদৰ বিষয়ে জানো আহক
শৈশৱৰ পৰাই নৃত্য-অভিনয়ৰ প্ৰতি আকৰ্ষিত ছিমলা প্ৰসাদৰ ১৯৮০ চনৰ ০৮ অক্টোবৰত মধ্যপ্ৰদেশৰ ৰাজধানী ভূপালত জন্ম হৈছিল। সৰুৰে পৰা নৃত্য-অভিনয়ৰ প্ৰতি আকৰ্ষিত আছিল ছিমলা প্ৰসাদৰ। স্কুলীয়া দিনত তেওঁ সদায় নৃত্য-অভিনয় অনুষ্ঠানত অংশ লৈছিল। ছিমলাই স্কুল-কলেজৰ দিনত বহু নাটকতো অভিনয় কৰিছিল। তেওঁৰ পিতৃ আই এ এছ বিষয়া তথা সাংসদ ড০ ভাগীৰথ প্ৰসাদ আৰু মাতৃ মেহৰুণনিছা পাৰভেজ সুপৰিচিত সাহিত্যিক।
ছিমলাৰ প্ৰাথমিক শিক্ষা ছেইণ্ট জোচেফ ক’ড স্কুলতে আৰম্ভ হৈছিল। ইয়াৰ পিছতে ষ্টুডেণ্ট ফৰ এক্সেলেন্স (IEHE)ৰ পৰা বি.কম আৰু ভোপালৰ বৰকতুল্লা বিশ্ববিদ্যালয়ৰ পৰা সমাজবিজ্ঞানত স্নাতকোত্তৰ ডিগ্ৰী লাভ কৰে। পৰীক্ষাত শীৰ্ষস্থান দখল কৰাৰ বাবে তেওঁক সোণৰ পদক প্ৰদান কৰা হয়। ইয়াৰ পিছতে মধ্যপ্ৰদেশ লোকসেৱা আয়োগৰ সাংসদ পি এছ চি পৰীক্ষাত যোগ্যতা অৰ্জন কৰে।
লগতে পঢ়ক Swiggy Instamartৰ জৰিয়তে কণ্ডম অৰ্ডাৰৰ ক্ষেত্ৰত দেশৰ কোন চহৰ শীর্ষত আছে?
পি এছ চি পৰীক্ষাত উত্তীৰ্ণ হোৱাৰ পিছত ছিমলা প্ৰসাদৰ প্ৰথম পোষ্টিং ডি এছ পি হিচাপে হৈছিল। চাকৰিৰ সময়ছোৱাতে তেওঁ UPSC পৰীক্ষাৰ বাবে প্ৰস্তুতি চলাই প্ৰথম প্ৰচেষ্টাতে কোচিং অবিহনে সফলতা লাভ কৰে। ছিমলাই আই পি এছ হ’বলৈ কোনো কোচিং ইনষ্টিটিউটৰ সহায় লোৱা নাছিল৷ নিজৰ অধ্যয়নৰ জৰিয়তে ইউ পি এছ চিৰ পৰীক্ষাত সফল হৈছিল। ছিমলাই কয় যে তেওঁ কেতিয়াও ভবা নাছিল যে তেওঁ অসামৰিক সেৱাত যোগদান কৰিব, কিন্তু তেওঁৰ ঘৰৰ পৰিৱেশে তেওঁক আই পি এছ হোৱাৰ ইচ্ছা জগাই তুলিছিল।
ছিমলাপ্ৰসাদৰ সৰলতা আৰু সৌন্দৰ্য দেখি দিল্লীত এক অনুষ্ঠানৰ সময়ত পৰিচালক জঘম ইমামে তেওঁৰ সৈতে এপইণ্টমেণ্ট বিচাৰিছিল। সেই বৈঠকত ইমামে নিজৰ ছবি ‘আলিফ’ৰ চিত্ৰনাট্য ছিমলাক বর্ণনা কৰি ছিমলাক ছবিখনত অভিনয়ৰ প্রস্তাৱ দিছিল৷
‘আলিফ’ আছিল ছিমলাৰ প্ৰথম ছবি আৰু ২০১৭ চনৰ ফেব্ৰুৱাৰী মাহত মুক্তি লাভ কৰিছিল। ইয়াৰ পিছত ২০১৯ চনত মুক্তি পোৱা ‘নক্কাছ’ ছবিতো কাম কৰিছিল ছিমলাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
