বক্স অফিচত এনিমেলৰ যাদু। ভংগ কৰিলে পাঠানৰ অভিলেখ
অসম লাইভ২৪ঃ দুদিনত ১০০ কোটিৰো অধিক উপাৰ্জনেৰে চমক সৃষ্টি ৰণবীৰ কাপুৰ আৰু ৰশ্মিকা মাণ্ডান্না অভিনীত ‘এনিমেল’ ছবিয়ে।মুক্তিৰ প্ৰথম দিনাই উপাৰ্জনৰ ক্ষেত্ৰত বৰ্ষটোৰ শ্ৰেষ্ঠ বাণিজ্যিক ছবি পাঠানৰ ৰেকৰ্ড ভংগ কৰিছে এনিমেলে। শুক্ৰবাৰে মুক্তি লাভ কৰা ‘এনিমেল’ ছবিয়ে তৃতীয় দিনাও ছবিগৃহত সুন্দৰ প্ৰদৰ্শন অব্যাহত ৰাখিছে। মুক্তিৰ পূৰ্বে ব্যাপক চৰ্চা লাভ কৰা এই ছবিখনে বক্স অফিচত লাভ কৰিছে ব্যাপক সফলতা। প্ৰথম দিনাই প্ৰায় ৬১ কোটি টকা উপাৰ্জন কৰি চমক সৃষ্টি কৰা ছবিখনে ৰণবীৰ কাপুৰৰ কেৰিয়াৰৰ সকলোতকৈ সফল ছবি হোৱাৰ সম্ভাৱনা প্ৰকট হৈছে। মুছবিখনৰ আগতীয়া টিকট বুকিঙে দিছিল ইয়াৰ বাণিজ্যিক সফলতাৰ ইংগিত। বিশ্বৰ পৰিসংখ্যাৰ ফালৰ পৰা চাবলৈ গ’লে দেখা যাব যে এই ছবিখনে প্ৰথম দিনাই ১০০ কোটি টকা অতিক্ৰম কৰিলে। শনিবাৰে দ্বিতীয় দিনাও সফলতাৰ দৌৰ অব্যাহত ৰাখিলে ‘এনিমেল’। মাত্ৰ ২০০ কোটি টকা ব্যয়েৰে নিৰ্মাণ কৰা ছবিখনে দ্বিতীয় দিনা কেৱল ভাৰতীয় বজাৰত ৬৫.৮৫ কোটি টকা উপাৰ্জন কৰে। ছবিখনে প্ৰথম দুদিনত ১২৯.৬৫ কোটি টকা উপাৰ্জন কৰে। সেই দিশৰ পৰা শ্বাহৰুখ খানৰ ‘জৱান’ৰ ৰেকৰ্ড ভংগ কৰিছে ৰণবীৰৰ ‘এনিমেল’ ছবিয়ে। বিগত দুটা দিনত বিশ্বজুৰি ২৩০ কোটি টকা উপাৰ্জন কৰিলে ‘এনিমেল’। ছবিখন তামিল, তেলেগু, কানাড়া আৰু মালয়ালম ভাষাতো মুক্তি লাভ কৰিছে। মুঠতে এনিমেল ছবিয়ে ৰণবীৰ কাপুৰৰ বেয়া দিন ভাললৈ পৰিৱৰ্তন কৰিব পাৰিব বুলি আশাবাদী অভিনেতাগৰাকীৰ অনুৰাগীসকল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
