কাইলৈ বুদ্ধ পূৰ্ণিমা, ঘৰৰ এই দিশত ৰাখক কাছৰ ফটো অথবা মূৰ্তি, কোনোদিনে অভাৱ নহব ধনৰ
কাইলৈ ২২ মে’ তাৰিখে বুদ্ধ পূৰ্ণিমা অথবা বহাগ পূৰ্ণিমা। বহাগ পূৰ্ণিমাৰ দিনা গৌতম বুদ্ধৰ জন্ম হৈছিল। সেইবাবেই এই দিনটোত ‘বুদ্ধ পূৰ্ণিমা’ পালন কৰা হয়। লগতে এই বহাগ পূৰ্ণিমাতে ভগৱান বিষ্ণুৱে কুৰ্ম অৱতাৰ ৰূপ ধাৰণ কৰিছিল।
যাৰ বাবে এই একেটা দিনতে কুৰ্ম জয়ন্তীয়ো পালন কৰা হয়। বাস্তু শাস্ত্ৰ অনুসৰি, বহাগ মাহৰ এই দিনটোত ঘৰলৈ কাছৰ ফটো নাইবা মূৰ্তি আনিলে ধনে ধানে শ্ৰী বৃ্দ্ধি হয়।
বাস্তু শাস্ত্ৰ অনুসৰি, এই পূৰ্মিমাৰ দিনা ঘৰলৈ বিশেষকৈ কোনো ধাতু নাইবা গ্লাছৰ কাছ আনিলে অধিক শুভ। গতিকে এইদৰে কাচ আনি ঘৰৰ উত্তৰ দিশত ৰাখিব লাগে। এনেদৰে কৰিলে ধনৰ আগমন হয়।
যদি আপুনি ব্যৱসায়ী তেন্তে আপোনাৰ দোকান নাইবা ফেক্টৰীৰ মূল প্ৰৱেশদ্বাৰত কাছৰ ফটো লগাব পাৰে। মান্যতা অনুসৰি এনে কৰিলে কোনোদিনে লোকচানৰ সন্মুখিন নহয়।
যদিহে আপুনি নতুনকৈ কোনো ব্যৱসায় আৰম্ভ কৰিছে তেন্তে দোকান নাইবা ফেক্টৰীত ৰূপৰ কাছ থব পাৰে। এনে কৰিলে বেয়া দৃষ্টি আঁতৰ হয় লগতে সফলতাৰ দ্বাৰ মুকলি হয়।
কেৰিয়াৰত উন্নতিৰ বাবে কাৰ্যালয়ৰ টেবুলত উত্তৰ দিশত ক’লা ৰঙৰ কাছৰ মূৰ্তি ৰাখিব পাৰে। ই আপোনাক সদায়ে শুভ ফল প্ৰদান কৰিব।
কেৱল এটা কথা মন কৰিব, ঘৰ অথবা কাৰ্যালয় নাইবা দোকানত কাছ ৰখাৰ ক্ষেত্ৰত সদায়ে উত্তৰ দিশত ৰাখিব। লগতে বিশেষভাৱে মন কৰিব যাতে এনেদৰে থলে কাছৰ মুখ সদায়ে ভিতৰৰ ফালে হয়। মান্যতা অনুসৰি, এনেদৰে কৰিলে হে ভাল তথা শুভ ফল লাভ হয় ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
