১৩ নৱেম্বৰত উপ-নিৰ্বাচন, কংগ্ৰেছ-বিজেপি দুয়ো দলৰে কেউটা সমষ্টিৰ প্ৰাৰ্থীৰ নাম ঘোষণা
ৰাজ্যত উপ-নিৰ্বাচন সমাগত। অহা নৱেম্বৰ মাহৰ ১৩ তাৰিখে অসমত অনুষ্ঠিত হ’ব উপ-নিৰ্বাচন। অসমৰ চামগুৰি, ধলাই, বঙাইগাঁও, বিহালী আৰু ছিদলী সমষ্টিত অনুষ্ঠিত হ’ব উপ-নিৰ্বাচন।
সেই উদ্দেশ্যে ইতিমধ্যে বিজেপি আৰু কংগ্ৰেছ দুয়ো দলৰ ফালৰ পৰা কেউটা সমষ্টিৰে প্ৰাৰ্থীৰ নাম ঘোষণা কৰিছে। বৰ্তমানলৈ কংগ্ৰেছৰ কেৱল বিহালী সমষ্টিৰ বাহিৰে অন্য কেউটা সমষ্টিৰে প্ৰাৰ্থীৰ চুড়ান্ত তালিকা প্ৰকাশ কৰা হয়।
আজি সোমবাৰে সকলো জল্পনা-কল্পনাৰ ওৰ পেলাই বিজেপিৰ বাকি থকা দুটা সমষ্টিৰ প্ৰাৰ্থীৰ নাম সদৰি কৰে লগতে অসম প্ৰদেশ কংগ্ৰেছ কমিটীয়ে ঘোষণা কৰে দলটোৰ প্ৰাৰ্থী তালিকা।
সদৰি কৰা অনুসৰি-
বিজেপি-
চামগুৰিৰ পৰা ডিপ্লু ৰঞ্জন শৰ্মা
নিহাৰ ৰঞ্জন দাস ধলাই সমষ্টি
দিগন্ত ঘাটোৱাৰ বিহালী সমষ্টি
বঙাইগাঁও সমষ্টি দিপ্তীময়ী চৌধুৰী ( এজিপিৰ নেতা ফণী ভূষণ চৌধুৰিৰ পত্নী) (AGP প্ৰাৰ্থী)
ছিদলী সমষ্টিৰ পৰা নিৰ্মল কুমাৰ ব্ৰহ্ম (UPPL)
কংগ্ৰেছৰ-
চামগুৰিৰ পৰা তানজিল হুছেইনক (সাংসদ ৰকিবুল হুছেইনৰ পুত্ৰ তানজিল হুছেইন)।
বঙাইগাঁও সমষ্টিৰ পৰা ব্ৰজেনজিৎ সিনহা (প্ৰাক্তন আৰক্ষী বিষয়া সিনহাই কিছুমাহপূৰ্বে যোগদান কৰিছিল ভাৰতীয় জাতীয় কংগ্ৰেছত)
ধলাই সমষ্টিৰ পৰা ধ্ৰুৱজ্যোতি পুৰকায়স্থ
ছিদলী সমষ্টিৰ পৰা সঞ্জীৱ ৱাৰীক
উল্লেখ্য যে, ২৩ নৱেম্বৰ তাৰিখে নিৰ্বাচনৰ ভোটগণনা তথা ফলাফল ঘোষণা কৰা হ’ব। মনোনয়ন দাখিলৰ অন্তিম তাৰিখ ২৫ অক্টোবৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
