এখন কেফেৰ স্বত্বাধিকাৰীৰ এক আজৱ নিৰ্দেশনাই ব্যাপক প্ৰতিক্ৰিয়াৰ সৃষ্টি কৰিছে৷ বিশেষকৈ মহিলাৰ মাজত এই প্ৰতিক্ৰিয়াৰ সৃষ্টি হৈছে আৰু মহিলাসকলে ইয়াক মহিলাৰ বাবে সন্মান হানিকৰ বুলিও অভিহিত কৰিছে৷
অষ্ট্ৰেলিয়াৰ এন্থনীজ নামৰ এখন কেফেৰ স্বত্বাধিকাৰে কেফেত কৰ্মৰত মহিলাসকলক ঋতুস্ৰাৱৰ সময়ত এক বিশেষ ৰঙা ৰঙৰ ষ্টীকাৰ লগাবলৈ নিৰ্দেশ দিছে৷
স্বত্বাধিকাৰীৰ মতে সেই বিশেষ দিনকেইটাত ঋতুস্ৰাৱ হৈ থকা মহিলাসকলে যাতে কিছু জিৰণি ল’ব পাৰে তাৰ বাবেই এই নিৰ্দেশ দিয়া হৈছে৷ কেফে কৰ্তৃপক্ষৰ মতে ৰঙা ৰঙৰ ষ্টীকাৰ লগালে বুজিব পাৰিব যে সংশ্লিষ্ট কৰ্মচাৰীগৰাকীৰ ঋতুস্ৰাৱ হৈছে আৰু গতিকে কৰ্তৃপক্ষ আৰু গ্ৰাহকেও তেওঁৰ ওপৰত কামৰ হেঁচা দিয়াৰ পৰা বিৰত থাকিব৷
লগতে পঢ়ক ৮ পত্নীৰ বাবে ৭৫০০ বৰ্গফুটৰ ৰাজপ্ৰাসাদ নিৰ্মাণ! ৮ পত্নীক কেনেকৈ সময় দিয়ে স্বামীয়ে?
লগতে কোৱা হৈছে বাহিৰেও মহিলাসকলে এই সময়ছোৱাত বিভিন্ন শাৰীৰিক অস্বস্তিৰ মাজেৰে দিনবোৰ পাৰ কৰিবলগীয়া হোৱাৰ লগতে জিৰণিৰো প্ৰয়োজন হয়। কিন্তু কাৰোবাৰ ঋতুস্ৰাৱ হৈছে নে নাই সেয়া বুজা সম্ভৱ নহয়। ষ্টীকাৰটো থাকিলে কেফে কৰ্তৃপক্ষই বুজি পাব।
এন্থনীৰ এই ঘোষণাক অৱশ্যে বহুতে নাৰীৰ প্ৰতি ‘অসন্মানজনক’ বুলিও অভিহিত কৰিছে। নিৰ্দেশটোৱে নাৰীৰ ব্যক্তি স্বাধীনতাক খৰ্ব কৰা বুলিও একাংশই অভিহিত কৰিছে৷ বহুতৰ মতে কেৱল কৰ্মচাৰী বুলিয়েই কৰ্তৃপক্ষই কোনো মতামত গ্ৰহণ নকৰাকৈ বলপূৰ্বকভাৱে কিবা এটা নিয়ম জাপি দিব নালাগে বুলিও মন্তব্য কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
