অসমৰ যুৱ সাহিত্যিক প্ৰদ্যুম্ন কুমাৰ গগৈলৈ সাহিত্য অকাডেমিৰ চলিত বৰ্ষৰ যুৱ পুৰস্কাৰ আগবঢ়োৱা হৈছে৷ ‘চকী আৰু অন্যান্য গল্প’ শীৰ্ষক গল্প সংকলনৰ বাবে তৰুণ প্ৰজন্মৰ গল্পকাৰীলৈ এই সন্মান আগবঢ়োৱা হৈছে৷
আনহাতে চলিত বৰ্ষৰ অকাডেমিৰ বাল পুৰস্কাৰ লাভ কৰিছে লেখক তথা সাংবাদিক দিগন্ত ওঝাই৷ ‘ডাঙৰ মানুহৰ সাধু’ শীৰ্ষক গ্ৰন্থৰ বাবে দিগন্ত ওঝালৈ এই সন্মান আগবঢ়োৱা হৈছে৷
উল্লেখ্য যে ২০১৯ বৰ্ষত প্ৰকাশিত এই গল্প সংকলনৰ বাবে প্ৰদ্যুম্ন কুমাৰ গগৈয়ে মুনীন বৰকটকী স্মাৰক ন্যাসে প্ৰদান কৰা ৰাজ্যৰ সন্মানীয় ২০২১ বৰ্ষৰ মুনীন বৰকটকী সাহিত্য বঁটা লাভ কৰিছিল।
লগতে পঢ়ক আকৌ খাকী পোছাকত ক’লা দাগ! নিশা পৰকীয়া প্ৰেম কৰিবলৈ গৈ পৰিল ধৰা SI
বিশ্ব সাহিত্য, চলচ্চিত্ৰ, সংগীত, শিল্পকলাৰ সৈতে গভীৰ সম্পৰ্ক ৰক্ষা কৰি চলা প্ৰদ্যুম্ন কুমাৰ গগৈ এগৰাকী দক্ষ অনুবাদকো৷ ২০১৮ চনত গগৈয়ে বিশ্বৰ প্ৰতিষ্ঠিত প’প আৰু ৰকষ্টাৰসকলৰ বিশ্বখ্যাত গানসমূহ অসমীয়ালৈ অনুবাদ কৰি এক নতুন ধাৰা সৃষ্টি কৰিছিল৷ গগৈয়ে অনুবাদ কৰা উক্ত বিশ্ববিখ্যাত গানসমূহ ‘ইমাজিন’ নামৰ এখন অনুবাদ গ্ৰন্থত সংকলিত কৰা হৈছে৷
আনহাতে বিশ্ব চলচ্চিত্ৰ, সংগীত আৰু শিল্পকলাৰো এজন ৰসিক গুণগ্ৰাহী প্ৰদ্যুম্ন কুমাৰ গগৈ এগৰাকী অধ্যয়নপুষ্ট চলচ্চিত্ৰ সমালোচকো৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
