হৃদৰোগ মানেই বুকুত অসহ্য বিষ হয় এই ধাৰণা সকলোসময়তে সঠিক নহয়। বহু ক্ষেত্ৰতেই হৃদযন্ত্ৰৰ সমস্যা জনা যায় অন্য ধৰণৰ উপসৰ্গৰ মাধ্যমেৰেও। কিন্তু অজ্ঞানতাৰ কাৰণে আমি সেইসমূহ লক্ষণ উপেক্ষা কৰি থাকো। অথচ চিকিৎসকৰ মতে এই নীৰৱ লক্ষণসমূহ সম্পৰ্কে সচেতন থকা অত্যন্ত জৰুৰী, কাৰণ প্ৰাথমিক পৰ্যায়ত ৰোগ নিৰ্ণয় কৰিবলৈ গলে চিকিৎসাৰ সাফল্যৰ আশা বহুপৰিমানে বাঢ়ি যায়। বুকুৰ বিষ অবিহনেও হৃদৰোগৰ পাঁচটা গুৰুত্বপূৰ্ণ লক্ষণ জানি থওক।
১. অস্বাভাৱিক ক্লান্তি আৰু দুৰ্বলতা
বিশেষ কোনো শাৰীৰিক পৰিশ্ৰম অবিহনেই যদি আপুনি দিনৰ পাছত দিন ধৰি ক্লান্ত বা দুৰ্বলতা অনুভৱ কৰে তেতিয়া হৃদযন্ত্ৰৰ সমস্যা হব পাৰে। যেতিয়া হৃদপিণ্ডই সঠিকভাৱে ৰক্ত পাম্প কৰিব নোৱাৰে তেতিয়াই দৈনন্দিন সাধাৰণ কাম কৰিলেও ফোঁপনি উঠে বা শৰীৰত অসহনীয় অৱসাদে ভৰ কৰে তেতিয়া অনতিপলমে চিকিৎসকৰ পৰামৰ্শ লোৱা উচিত।
২. শ্বাসকষ্ট
খোজকঢ়া বা পাতল কোনো কাম কৰোতেও যদি সামান্যতেই শ্বাসকষ্ট হয় অথৱা বিশ্ৰাম লোৱাৰ সময়তো যদি শ্বাস লোৱাত কষ্ট অনুভৱ কৰে তেতিয়া এয়া হৃদৰোগৰ এক গুৰুতৰ লক্ষণ হব পাৰে। হৃদপিণ্ডৰ কাৰ্যক্ষমতা কমি গলে হাওঁফাওঁত তেজ জমা হব পাৰে যাৰ ফলত শ্বাসকষ্টই দেখা দিয়ে। বহু সময়ত নিশা টোপনিৰ সময়ত শ্বাসকষ্টত টোপনি ভাঙি যাব পাৰে।
৩. পেটত পানী জমা হোৱা বা ভৰি ফুলা
হৃদপিণ্ডই যেতিয়া দক্ষতাৰে কাম কৰিব নোৱাৰে তেতিয়াই ৰক্তনলীত চাপ বাঢ়ি যায় আৰু তৰল পদাৰ্থ শৰীৰৰ বিভিন্ন অংশলৈ বিশেষকৈ ভৰি বা পেটত জমা হবলৈ আৰম্ভ হয়। ইয়াৰ ফলত এই অংগসমূহ ফুলি যাব পাৰে যাক চিকিৎসাৰ পৰিভাষাত কোৱা হয় ইডিমা। হঠাৎ ওজন বাঢ়ি যোৱা বা ভৰি ফুলি যোৱাৰ অসুবিধা হলে এয়া পানী জমা হোৱাৰ লক্ষণ।
৪. মূৰ ঘূৰোৱা বা অজ্ঞান হৈ যোৱা
যদি মাজে মাজে মূৰ ঘূৰোৱা যেন অনুভৱ হয় বা চকু এন্ধাৰ লাগে অজ্ঞান হৈ পৰে তেন্তে এইসমূহ হৃদযন্ত্ৰৰেই সমস্যা হব পাৰে। মস্তিষ্কত তেজৰ সৰবৰাহ কমি গলে এই উপসৰ্গসমূহে দেখা দিব পাৰে। অনিয়মিত হৃদস্পন্দন বা হাৰ্ট ব্লকৰ দৰে সমস্যাও ইয়াৰ কাৰণ হব পাৰে।
৫. ক্ৰমাগত বমি বমি ভাৱ বা হজমৰ সমস্যা
বহু সময়ত হৃদৰোগৰ লক্ষণ হিচাপে ক্ৰমাগত বমি বমি ভাৱ, বদহজম বা পেটৰ ওপৰৰ অংশত অস্বস্তিয়ে দেখা দিব পাৰে। বিশেষকৈ শাৰীৰিক পৰিশ্ৰমৰ সময়ত যদি এই লক্ষণসমূহ বাঢ়ে তেন্তে উপেক্ষা কৰা উচিত নহয়। মহিলাসকলৰ বহুতেই এই ধৰণৰ লক্ষণক উপেক্ষা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
