কিছুমান মানুহৰ চকৰ বিষয়ে শুনিলে বা জানিলে আপোনাৰ হয় হাঁহি উঠিব নহয় আপুনিও চৰমভাৱে চকিত অথবা আচম্বিত হৈ পৰিব৷
আপোনাক ঠিক হচকিত তথা আচম্বিত কৰিব পৰা তেনে এটা খবৰে এইবাৰ সংবাদ মাধ্যমত বিশেষভাৱে চৰ্চা লাভ কৰিছে৷
সংবাদ মাধ্যমত প্ৰকাশিত খবৰ অনুসৰি এজন লোকে তেওঁৰ ৭১ হাজাৰ টকাৰ মূল্যৰ এক্টিভা দুচকীয়া বাহনখনৰ বাবে ১৫.৪ লাখ টকা দি নিজৰ পচন্দৰ ফেন্সি নম্বৰটো ক্ৰয় কৰিছে৷
লগতে পঢ়ক হিন্দু যুৱতীক পলুৱাই নিয়া মুছলমান যুৱকৰ ঘৰত গণ আক্ৰমণ, আৰক্ষীৰ গোচৰ ৰুজু
ঘটনাটো পঞ্জাৱৰ ৰাজধানী চহৰ চণ্ডীগড়ৰ৷ উল্লেখ্য যে ভাৰতত বহু বাহনৰ গৰাকীয়ে বাহনখন পঞ্জীয়নৰ সময়ত নিজৰ পচন্দ নম্বৰটো ধনৰ বিনিময়ত ক্ৰয় কৰাতো নতুন কথা নহয়৷ এনে নম্বৰবোৰৰ বাবে সময়ে সময়ে নিলামৰো ব্যৱস্থা কৰা হয়৷
কিন্তু এখন ৭১ হাজাৰ টকাৰ মূল্যৰ দুচকীয়া বাহনৰ বাবে নিলাম অনুষ্ঠানত বৃহৎ পৰিমাণৰ ১৫.৪ লাখ টকা দি নিজৰ পচন্দৰ ফেন্সি নম্বৰ ক্ৰয় কৰাতো এয়াই প্ৰথম৷ যিটো সকলো লোককে আচৰিত কৰি তুলিছে৷
দিন্দুস্তান টাইমছৰ বাতৰি মতে চণ্ডীগড়ৰ ব্ৰিজ মোহন নামৰ লোকজনে তেওঁৰ দুচকীয়া এক্টিভা বাহনখনৰ বাবে ১৫ লাখ ৪৪ হাজাৰ টকাৰ বিনিময়ত ক্ৰয় কৰা ফেন্সি নম্বৰটো হৈছে চিএইচ০১- চিজে- ০০০১৷
লগতে পঢ়ক দেশৰ কে’বাখনো ৰাজ্যৰ উপ নিৰ্বাচনত মুখ থেকেচা বিজেপিৰ
‘‘মই এইটো নম্বৰ এতিয়া ক্ৰয় কৰা এক্টিভাখনত ব্যৱহাৰ কৰিম৷’’ হিন্দুস্তান টাইমছৰ আগত ব্ৰিজ মোহনে কয়৷
সাধাৰণতে এখন বাহনৰ ফেন্সি নম্বৰ ক্ৰয়ৰ মূল্যটোৰ ক্ষেত্ৰত সংশ্লিষ্ট বাহনখনৰ মূল্যৰ ওপৰত ভিত্তি কৰি আনুপাতিকভাৱে নিৰ্ধাৰণ কৰা হয়৷ ইয়াৰ পূৰ্বে ই ০০০১ নম্বৰটোৰ সৰ্বকালৰ সৰ্বোচ্চ মূল্যৰ নিবিদা আছিল ২৬.০৫ লাখ টকা৷ ২০১২ চনত এছ ছিৰিজ মাৰ্চিডিজ ব্ৰেঞ্জৰ এজন গৰাকীয়ে এই নম্বৰটো ২৬.০৫ লাখ টকাত ক্ৰয় কৰিছিল, যিটো সাধাৰণ ফেন্সি নম্বৰৰ মূল্যৰ তুলনাত চাৰিগুণ অধিক৷
লগতে পঢ়ক হৰভজন সিঙৰ মহানুভৱতা! কৃষকৰ কন্যাৰ শিক্ষাত ব্যয় কৰিব দৰমহাৰ ধন
চণ্ডিগড় ৰেজিষ্টাৰিং এণ্ড লাইচেঞ্চিং অথৰিটিয়ে যোৱা ১৪-১৬ এপ্ৰিলত চিএইচ ০১ চিজে শৃংখলাৰ ফেন্সি নম্বৰ আৰু অৱশিষ্ট নম্বৰৰ বাবে নিলাম অনুষ্ঠিত কৰিছিল৷ উক্ত নিলামত এই নম্বৰটোৰ ক্ষেত্ৰত সৰ্বাধিক ৩৭৮ টা হাতুৰীৰ কোব পৰে আৰু অৱশেষত ব্ৰিজ মোহনে ১৫ লাখ ৪৪ হাজাৰ টকাত এই নম্বৰটো লাভ কৰিবলৈ সক্ষম হয়৷
ইফালে নিলাম অনুষ্ঠানত চিএইচ ০১ চিজে-০০২ নম্বৰটো ৫.৪ লাখ টকাত বিক্ৰীৰে দ্বিতীয় সৰ্বাধিক মূল্য হিচাপে পৰিগণিত হৈছে৷ উল্লেখ্য যে চণ্ডিগড় ৰেজিষ্টাৰিং এণ্ড লাইচেঞ্চিং অথৰিটিয়ে নিলাম অনুষ্ঠানটোত চিএইচ ০১ শৃংখলা আৰু অৱশিষ্ট নম্বসমূহৰ বিক্ৰীৰে ১.৫ কোটি সংগ্ৰহ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
