ডিজিটেল ডেস্কঃ বিজেপিক পৰাভূত কৰিবলৈ কংগ্ৰেছক গাঁৱলৈ যাব লাগে বুলি আহ্বান জনোৱা কংগ্ৰেছৰ মিত্ৰ দল ৰাইজৰ দলৰ সভাপতি অখিল গগৈয়ে জনোৱা আহ্বান সন্দৰ্ভত প্ৰতিক্ৰিয়া বিৰোধী দলপতি দেৱব্ৰত শইকীয়াৰ।দেৱব্ৰত শইকীয়াই অখিল গগৈৰ মন্তব্যৰে মতবিৰোধ আছে বুলি মন্তব্য কৰি ক’লে কংগ্ৰেছ গাঁওতেই আছে।
কংগ্ৰেছ গাঁৱৰ ৰাইজৰ মাজত আছে।পঞ্চায়তত কংগ্ৰেছৰ প্ৰতিনিধি আছে।কংগ্ৰেছৰ সমৰ্থক সকলে কংগ্ৰেছৰ সভালৈ গলে ৰেচন কাৰ্ড কৰ্তন কৰে,আচনিৰ পৰা বঞ্চিত কৰে।সেই কাৰণে কংগ্ৰেছৰ সমৰ্থকসকলে সভালৈ যাব ভয় কৰে। ইফালে দেৱব্ৰত শইকীয়াই বিজেপি মিত্ৰজোঁটৰ অংশীদাৰ দল অসম গণ পৰিষদৰ নেতৃত্ব তথা দুই মন্ত্ৰীলৈ জনালে বিশেষ আহ্বান।
কেন্দ্ৰীয় গৃহ মন্ত্ৰী অমিত শ্বাহে দেশত নাগৰিকত্ব সংশোধনী আইন চমুকৈ কা বলৱৎ হ’ব বুলি হুংকাৰ দিয়া সন্দৰ্ভত অগপৰ দুই মন্ত্ৰীক ইয়াৰ বিৰুদ্ধাচৰণ কৰিবলৈ আহ্বান জনাই দলটোৰ বিধায়ক সকলৰ সৈতে বৈঠক অনুষ্ঠিত কৰিবলৈ প্ৰদান কৰে পৰামৰ্শ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
