‘কাণত ধৰি ক্ষমা খোজক কংগনাই’- কংগনাৰ মন্তব্যৰ ওপৰত জাঙুৰ খাই উঠিল কংগ্ৰেছ
বলীউডৰ অভিনেত্ৰী তথা বিজেপিৰ সাংসদ কংগনা ৰানাউটে শেহতীয়াকৈ দিয়া এক মন্তব্যৰ ওপৰত জাঙুৰ খাই উঠিছে কংগ্ৰেছ। অভিনেত্ৰীৰ গৰাকীৰ মন্তব্যক অতিকে নিম্ন মানৰ বুলি উল্লেখ কৰি আনকি কাণত ধৰি ক্ষমা খোজাৰ বাবেও আহ্বান জনাই কংগ্ৰেছে।
কংগনাই এক সাক্ষাৎকাৰত কৃষক আন্দোলন সন্দৰ্ভত ভাষণ দি কৈছিল যে তেওঁলোকে মাত্ৰ আন্দোলনৰ নামত হিংসা বিয়পাইছে। অভিনেত্ৰী তথা সাংসদ কংগনা ৰানাৱটে কয় যে কেন্দ্ৰ সবল হৈ নাথাকিলে কৃষক আন্দোলনৰ সময়ত পঞ্জাৱ, বাংলাদেশলৈ ৰূপান্তৰিত হ’লহেঁতেন। বিজেপিৰ সাংসদগৰাকীৰ এই কৃষক সন্দৰ্ভত কৰা মন্তব্যৰ ওপৰতে ক্ষোভ প্ৰকাশ কংগ্ৰেছৰ।
কংগ্ৰেছ নেত্ৰী সুপ্ৰিয়া শ্ৰীনেটে কয় যে দিল্লীৰ সীমান্তত প্ৰতিবাদ সাব্যস্ত কৰা কৃষকসকলক বিজেপি নেতাই গালি-গালাজ কৰিছে, এতিয়া তেওঁলোকৰ সাংসদসকলেও কৃষকসকলক হত্যাকাৰী আৰু ধৰ্ষণকাৰী বুলি অভিহিত কৰিছে। লগতে ইয়াকো কয় যে বিজেপিৰ এই কথাৰ উত্তৰ এতিয়া কিছুদিনৰ পাছতে হাৰিয়ানাই দিব। এনে পৰিস্থিতিত বিজেপি আৰু কেন্দ্ৰৰ শাসকীয় মোডী চৰকাৰে উত্তৰ দিব লাগিব। যদি তেনেকুৱা নহয়, তেন্তে সাংসদগৰাকীয়ে কৃষকসকলক কাণত ধৰি ক্ষমা খুজিব লাগে।
https://x.com/SupriyaShrinate/status/1827659642098348442
কংগ্ৰেছ নেত্ৰী সুপ্ৰিয়া শ্ৰীনেটে ছ’চিয়েল মিডিয়া প্লেটফৰ্ম ‘এক্স’ত এটা পোষ্ট শ্বেয়াৰ কৰি তেওঁ লিখিছে যে এয়া বিজেপি সাংসদ কংগনা ৰানাৱটৰ শেহতীয়া বক্তব্য। য’ত তেঁও কোৱা দেখা গৈছে যে “কৃষক আন্দোলনত দীৰ্ঘদিন ধৰি পৰিকল্পনা আছিল, ইয়াৰ আঁৰত বাংলাদেশ আৰু চীন আৰু আমেৰিকাৰ দৰে বিদেশী শক্তিয়ে কাম কৰি আছে।”
উল্লেখ্য যে, এটা ব্যক্তিগত চেনেলক দিয়া সাক্ষাৎকাৰত বিজেপিৰ সাংসদগৰাকীয়ে আন্দোলনকাৰী কৃষকক লক্ষ্য কৰি লৈছিল। কংগনাই কৈছিল যে পঞ্জাৱত কৃষক আন্দোলনৰ নামত হিংসা বিয়পি আছে, ইয়াৰ বাহিৰেও তাত ধৰ্ষণ, হত্যাৰ দৰে ঘটনাও সংঘটিত হৈ আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
