প্ৰকাশ্যে মহিলাক উদ্দেশ্য কৰি গোপনাংগ প্ৰদৰ্শন৷ কাঠগড়াত উঠিছে কংগ্ৰেছ নেতা৷ ভাইৰেল হৈছে কংগ্ৰেছ নেতাৰ সেই বিশেষ ভিডিঅ’৷ অভিযোগ অনুসৰি উত্তৰপ্ৰদেশৰ বাগপতৰ জিলা কংগ্ৰেছ সভাপতি ইউনুছ চৌধুৰীয়ে প্ৰকাশ্যে এগৰাকী যুৱতীক নিজৰ গোপনাংগ দেখুৱাইছে৷ সামাজিক মাধ্যমত ব্যাপক হাৰত ভাইৰেল হৈছে৷
ইউনুছ চৌধুৰী উত্তৰপ্ৰদেশৰ কংগ্ৰেছৰ প্ৰভাৱশালী সংখ্যালঘু নেতা৷ ২০২২ চনৰ ৰাজ্যৰ বিধানসভা নিৰ্বাচনত হাত চিহ্নত নিৰ্বাচনো খেলিছিল ইউনূছে৷ প্ৰিয়ংকা গান্ধীৰ নেতৃত্বত উত্তৰপ্ৰদেশৰ ‘লৰকি হু লৰ ছকতি হু’ শ্লোগান দি ভোটযুদ্ধত নামিছিল ইউনূছ৷ অথচ সেইগৰাকী নেতাই মহিলাক অশ্লীল অঙ্গিভঙ্গি, গোপনাংগ প্ৰদৰ্শন, শ্লীলতাহানিৰ দৰে নিন্দনীয় কাম কৰিছে৷
ভাৰত জোড়ো যাত্ৰাত লোকসভাৰ বিৰোধী দলনেতা ৰাহুলৰ সৈতেও খোজ দিছিল ইউনূছে৷ সামাজিক মাধ্যমত ভাইৰেল হোৱা বিশেষ ভিডিঅ’টোত ইউনূছ চৌধুৰীয়ে এগৰাকী মহিলাক কু প্ৰস্তাৱ দিছে৷ সংগমৰ বাবে আহ্বান জনাইছে৷ একপ্ৰকাৰ বলপূৰ্বকভাৱেই৷ ইয়াৰোপৰি যুৱতীগৰাকী শ্লীলতাহানিৰো চেষ্টা কৰিছে৷ নিজৰ গোপনাংগ মুকলিকৈ প্ৰদৰ্শন কৰিছে৷ এই ভিডিঅত মহিলাগৰাকী সমগ্ৰ বিষয়টোত আপত্তি কৰাও শুনা গৈছে৷ একাধিকবাৰ মহিলাগৰাকীয়ে কৈছে, এয়া ঠিক কাম কৰা নাই৷ আপুনি ওলাই যাওক৷ কিন্তু ইউনূছে বিষয়টোত গুৰুত্ব দিয়া নাই৷ ইউনূছৰ এই কাণ্ডৰ বিৰুদ্ধে কি পদক্ষেপ ল’ব আৰক্ষীয়ে সেয়া অৱশ্যে এতিয়াও স্পষ্ট হোৱা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
