অসম লাইভ২৪ঃ ঘূৰি নাযাও ভাৱিলেও কৰ’না কাললৈ ঘূৰি যাবলৈ সাজু হওক৷ দেশত পুনৰ আৰম্ভ হৈছে কৰ’নাৰ সন্ত্ৰাস৷ বিশ্বৰ বিভিন্ন প্ৰান্ততো কভিডে পুনৰ গা কৰি উঠাৰ খবৰ ভাইৰেল হৈ পৰিছে৷ চুবুৰীয়া ৰাষ্ট্ৰ চীনত ভয়াৱহ হাৰত বৃদ্ধি পাইছে কৰ’না আক্ৰান্তৰ সংখ্যা৷ ভাৰততো কভিডৰ পূৰ্বৰ প্ৰভাৱৰ প্ৰতি লক্ষ্য ৰাখি অনুষ্ঠিত হৈছে কেন্দ্ৰীয় চৰকাৰ আৰু ৰাজ্য চৰকাৰৰ সুকীয়া সুকীয়া বৈঠক। সকলোপ্ৰকাৰে কৰ’নাক ৰোধিবলৈ চৰকাৰ সাজু হোৱাৰ কথা জনাইছে স্বাস্থ্য মন্ত্ৰীয়েও৷ তাৰ মাজতেই শেহতীয়াকৈ তাজমহল চাবলৈ অহা এগৰাকী বিদেশী পৰ্যটকৰ শৰীৰত কভিডৰ উপস্থিতি ধৰা পৰাৰে পিছৰ পৰাই নিৰুদ্দেশ পৰ্যটক গৰাকী।
আৰ্জেন্টিনাৰ পৰা অহা পৰ্যটকৰ শৰীৰত ২৬ ডিচেম্বৰত ধৰা পৰিছিল কভিডৰ উপস্থিতি৷ আগ্ৰাৰ তাজমহল দৰ্শনৰ পূৰ্বে সকলোৰে বাবে কভিড টেষ্ট বাধ্যতামূলক৷ তাতেই পৰ্যটক গৰাকীৰ শৰীৰত কভিড ধৰা পৰাৰ পাছত তেখেতক তাজমহল দৰ্শনৰ অনুমতি দিয়া হোৱা নাছিল। আনহাতে, তেখেতৰ যোগাযোগৰ নম্বৰলৈ তেখেতক উভতাই পঠিওৱা হৈছিল যদিও ইচ্ছাকৃতভাৱে ভুল নম্বৰ দাখিল কৰাৰ বাবে পৰ্যটকগৰাকীক বিচাৰি পোৱাটো অসম্ভৱ হৈ উঠিছে প্ৰশাসনৰ বাবে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
