অসম লাইভ২৪ঃ গাম্বিয়াৰ পাছতেই এইবাৰ উজবেকিস্তান৷ আকৌ ভাৰতৰ কফ ছিৰাপ খাই মৃত্যু হৈছে ১৮ টা শিশুৰ৷ উজবেকিস্তান চৰকাৰে অনা অভিযোগ অনুসৰি ১৮ টা শিশুৰ মৃত্যুৰ কাৰণেই ভাৰতীয় কফ ছিৰাপ৷
উজবেকিস্তান চৰকাৰে শিশুৰ মৃত্যুৰ পাছতেই ভাৰতীয় সংস্থাৰ সমূহ কফ ছিৰাপ বাজেয়াপ্ত কৰিছে৷ এই ঘটনাক লৈ বৰ্তমানলৈকে ভাৰত চৰকাৰে কোনো মন্তব্য প্ৰকাশ কৰা নাই যদিও উজবেকিস্তানৰ চৰকাৰে ভাৰতীয় স্বাস্থ্য মন্ত্ৰণালয়ক এই বিষয়ে জাননী প্ৰেৰণ কৰিছে৷ ভাৰতত তৈয়াৰ কৰা Doc-1 Max পুনৰ পৰীক্ষা কৰিছে উজবেকিস্তানৰ স্বাস্থ্য মন্ত্ৰণালয়ে৷ পৰীক্ষাত বিশেষ কফ ছিৰাপত পোৱা গৈছে ইথাইল গ্লাইকল৷
উল্লেখ্য যে উজবেক চৰকাৰে প্ৰকাশ কৰা মতে বিশেষ কফ চিৰাপবিধ খাবলৈ চিকিৎসকেই পৰামৰ্শ দিছিল৷ এই কফ ছিৰাপ তৈয়াৰ হৈছিল নয়ডাৰ মাৰিয়ান বায়োটেকত৷ নয়ডাত তৈয়াৰ কৰা কফ ছিৰাপ খায়েই পূৰ্বেও আফ্ৰিকাৰ গম্বিয়াৰ ৬৬ টা শিশুৰ মৃত্যু হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
