অসম লাইভ ২৪ঃ হাস্পতালত চিকিৎসাধীন ক’ৰোনা ৰোগীৰ হতাশগ্ৰস্ততাই লৈছে ভংয়কৰ ৰূপ৷ দেশৰ ভিন্নস্থানত আত্মহত্যা কৰিছে চিকিৎসাধীন কোভিড আক্ৰান্তই৷ দেওবাৰে পুৱাই চণ্ডীগড়ত এগৰাকী ক’ৰোনা ৰোগীৰ হাস্পতালৰ পঞ্চম মহলাৰ পৰা জঁপিয়াই আত্মহত্যা কৰে৷ ৬২বৰ্ষীয় চুন্নিলাল চণ্ডীগড়ৰ ‘GMCS 32’ত চিকিৎসাধীন হৈ আছিল৷ আনহাতে ত্ৰিপুৰাতো সংঘটিত হ’ল অনুৰূপ ঘটনা৷ এগৰাকী যুৱকে হাস্পতালৰ পৰা জঁপিয়াই আত্মহত্যা কৰে৷ ৰেপিড এণ্টিজেন টেষ্টত কোভিড ধৰা পৰাৰ পাছতে ত্ৰিপুৰাৰ গোবিন্দ বল্লভ পণ্ট চৰকাৰী হাস্পতালত ভৰ্তি কৰোৱা হৈছিল যুৱকগৰাকীক৷ হতাশাত ভুগি যুৱকজনে হাস্পতালৰ তৃতীয় মহলাৰ পৰা জঁপিয়াই আত্মহত্যা কৰে৷ মৃত যুৱকজনৰ ঘৰ ত্ৰিপুৰাৰ মুহুৰীপুৰ গাঁৱত৷ ইয়াৰোপৰিও আন কেইবাগৰাকী ৰোগীও বিগত সময়ত আত্মহত্যা কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
