অসম লাইভ ২৪ঃ সোমবাৰে দিল্লী উচ্চ ন্যায়ালয়ে খাৰিজ কৰে লালকিল্লাৰ উত্তৰাধিকাৰী সন্দৰ্ভত কৰা এগৰাকী মহিলাৰ আৱেদন৷ শেষ মোগল সম্ৰাট বাহাদুৰ শ্বাহ জাফৰৰ আইনী উত্তৰসূৰী চুলতানা বেগম বুলি নিজকে দাবী মহিলাগৰাকীৰ৷
চৰকাৰৰ বিৰুদ্ধে লালকিল্লাৰ অবৈধ দখলৰ অভিযোগ তুলি চৰকাৰৰ পৰা ক্ষতিপূৰণ দাবী কৰাৰ লগতে তেওঁৰ নামত লালকিল্লা হস্তান্তৰৰ আহ্বান জনাই আৱেদন দাখিল কৰিছিল দিল্লী উচ্চ ন্যায়ালয়ত৷ আৱেদনত উল্লেখ অনুসৰি, চুলতানা বেগম মোগল সম্ৰাটৰ আজো নাতি মহম্মদ বেদৰ বক্টৰ বিধবা পত্নী, আৰু বক্টক বাহাদুৰ শ্বাহ দ্বিতীয়ৰ উত্তৰাধিকাৰী হিচাপে ভাৰত চৰকাৰে স্বীকৃতি দিছিল ১৯৬০ চনত৷
আৰু স্বামীৰ মৃত্যুৰ পাছৰে পৰা মোগল শাসকৰ উত্তৰাধিকাৰীসূত্ৰে চুলতানাই চৰকাৰী পেঞ্চনো লাভ কৰি আহিছে বুলি আৱেদনত উল্লেখ৷ লেখ আৱেদনৰ উপৰি আদালতৰ দ্বাৰস্থ হৈ চুলতানা বেগমে সকলো ব্যাখ্যা কৰিছিল যদিও আদালতে প্ৰত্যাখ্যান কৰে মহিলাগৰাকীৰ যুক্তি৷ লগতে আৱেদনখনক ‘সময়ৰ চৰম অপচয়’ আৰু ‘অস্বাভাৱিক বিলম্ব’ৰ আখ্যা দি আদালতে খাৰিজ কৰে চুলতানা বেগমৰ আৱেদন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
