সপ্তম মহলাত ভয়ংকৰ অগ্নিকাণ্ড, প্ৰাণ ৰক্ষাৰ বাবে জপিয়ালে দুই সন্তানে, পিছে পিছে পিতৃ, তিনিও নিহত
দিল্লীৰ এটা এপাৰ্টমেণ্টত ব্যাপক অগ্নিকাণ্ড। আজি ১০ জুন তাৰিখে পুৱা দ্বাৰকা ছেক্টৰ-১৩ত অৱস্থিত বহুমহলীয়া অট্টালিকা ‘ছাবাদ এপাৰ্টমেণ্ট’ৰ এটা ফ্লেটত অগ্নিকাণ্ড সংঘটিত হোৱাৰ পিছতে এক উত্তাল পৰিস্থিতিৰ সৃষ্টি হয়।
অট্টালিকাৰ ওপৰৰ মহলাত অৱস্থিত এটা ফ্লেটত সংঘটিত হয় এই অগ্নিকাণ্ড। অগ্নিকাণ্ডৰ লেলিহান শিখা দেখি সেই সময়ত তাত উপস্থিত থকা এহাল ভাতৃ-ভগ্নীৰ লগতে প্ৰাণ ৰক্ষাৰ বাবে সেই অগ্নিকাণ্ডৰ মাজৰ পৰা তললৈ জপিয়াই দিয়ে। পাছে পাছে দুই সন্তানৰ লগতে পিতৃয়েও জপিয়াই দিয়ে।
কিন্তু প্ৰাণ ৰক্ষাৰ বাবে জপিয়াই যদিও ৰক্ষা নপৰে প্ৰাণ। পিতৃ-পুত্ৰ-পুত্ৰী তিনিওৰে মৃত্যু হয়।
অগ্নিনিৰ্বাপক বাহিনীয়ে ফোন লাভ কৰাৰ পিছতে ততাতৈয়াকৈ ঘটনাস্থলীত উপস্থিত হৈ উদ্ধাৰৰ কাম আৰম্ভ কৰে। এই ঘটনাৰ ভিডিঅ’ ছ’চিয়েল মিডিয়াত ভাইৰেল হৈ পৰিছে, য’ত এপাৰ্টমেণ্ট বিল্ডিঙৰ ওপৰৰ মহলাত তীব্ৰ জুই জ্বলি থকা দেখা গৈছে।
ততাতৈয়াকৈ অগ্নিনিৰ্বাপক বাহিনীৰ ৮ খন অগ্নিনিৰ্বাপক বাহিনীৰ নিবিদা সেই স্থানলৈ প্ৰেৰণ কৰে। ঘটনাস্থলীত উপস্থিত হৈ অগ্নিনিৰ্বাপক বাহিনীয়ে জুই নিয়ন্ত্ৰণৰ চেষ্টা আৰম্ভ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
