আজিকালিৰ বিবাহিত জীৱন আগৰ দৰে নহয়৷ সম্পৰ্ক হওক বা সংসাৰ, সকলোবোৰ চলাবলৈকে এতিয়া বহু বেছি খৰচ আছে৷ চহৰীয়া জীৱন হ’লে EMI, দৈনন্দিন খৰচ, লাইফষ্টাইল সকলো মিলি অৰ্থনৈতিক চাপ ক্ৰমশ বাঢ়িছে৷ এই পৰিবৰ্তিত পৰিস্থিতিত আহিছে এক নতুন ট্ৰেণ্ড DINK৷ দম্পতিসকলৰ বহুতেই এই পথ বাচি লৈছে৷ য’ত দুজনেই উপাৰ্জন কৰে কিন্তু সন্তান লোৱাৰ সিদ্ধান্তৰ পৰা দূৰৈত থাকে৷ DINKৰ সম্পূৰ্ণ অৰ্থ হৈছে Duel Income, No Kids, , এই ভাৱনা কেৱল অৰ্থনৈতিক নহয়, বৰং জীৱনযাত্ৰাৰ মান, স্বাধীনতা আৰু ব্যক্তিগত স্বাচ্ছন্দ্যৰ সৈয়েও জড়িত৷
কি এই DINK?
DINKৰ পূৰ্ণৰূপ হৈছে Dual Income, No Kids, অৰ্থাৎ দম্পতিৰ দুজনেই আয় কৰে কিন্তু সন্তান লোৱাৰ সিদ্ধান্ত নলয়৷ এই জীৱনধাৰা মূলত সেইসমূহ দম্পতিৰ মাজত জনপ্ৰিয় যিসকলে নিজৰ কেৰিয়াৰ, ভ্ৰমণ, চখ আৰু অৰ্থনৈতিক স্বাধীনতাক বেছি গুৰুত্ব দিয়ে৷ তেওঁলোকে ধাৰণা কৰে, সন্তান ল’লে দায়িত্ব আৰু খৰচ বহুপৰিমাণে বাঢ়ি যায়৷ যিয়ে তেওঁলোকৰ বৰ্তমান লাইফষ্টাইলক প্ৰভাৱিত কৰিব পাৰে৷ ফলত তেওঁলোকে সচেতনভাৱে এই সিদ্ধান্ত লয় যাতে নিজৰ জীৱনক তেওঁলোকে নিজৰমতে উপভোগ কৰিব পাৰে৷
কিয় বাঢ়িছে এই ট্ৰেণ্ড?
বিগত কেইবাবছৰত বিশেষকৈ কভিড’ পৰবৰ্তী সময়ত মূল্যবৃদ্ধিয়ে মানুহৰ জীৱনত বৃহৎ প্ৰভাৱ পেলাইছে৷ পূৰ্বে য’ত একমাত্ৰ উপাৰ্জনকাৰী হিচাপে স্বামীকেই চোৱা হৈছিল৷ সেই ধাৰণা এতিয়া সলনি হৈছে৷ সামাজিক চাপো বাঢ়িছে, নিজৰ ষ্টেটাছ বৰ্তাই ৰখা, ভাল জীৱনযাপন কৰা, এই সকলোৰে বাবে দুজনেই আয় কৰা জৰুৰী হৈ উঠিছে৷ সেই কাৰণেই বহুতো দম্পত্তিৰে ধাৰণা কৰে যে সন্তান নল’লে তেওঁলোতে আৰু স্বাচ্ছন্দ্যভাৱে জীৱনযাপন কৰিব পাৰিব৷
সন্তান নোলোৱাৰ সিদ্ধান্ত
DINK দম্পতিসকলৰ বহুতেই সন্তান লোৱাৰ দায়িত্ব এৰাই চলে৷ তেওঁলোকৰ মতে সন্তান মানেই খৰচ বঢ়াষ সময় আৰু মানসিক চাপ৷ বিদেশত এই ট্ৰেণ্ড বহুদিন ধৰি জনপ্ৰিয় আছিল৷ বৰ্তমান ভাৰততো চহৰীয়া জীৱনধাৰাৰ দ্ৰুত পৰিবৰ্তন আহিছে৷ বহুতেই ধাৰণা কৰে সন্তান নাথাকিলে দম্পতিয়ে নিজৰ সম্পৰ্ক, কেৰিয়াৰ আৰু ব্যক্তিগত সপোনত বেছি সময় দিব পাৰে৷ এই সিদ্ধান্ত অৱশ্যে সম্পূৰ্ণ ব্যক্তিগত৷ প্ৰত্যেক দম্পতিৰে জীৱনৰ লক্ষ্য অনুযায়ী এয়া ভিন্ন হ’ব পাৰে৷
সমস্যা ক’ত?
DINK জীৱনধাৰাই আৰম্ভণিতে বহু স্বস্তি আৰু স্বাধীনতা আনি দিয়ে৷ কিন্তু বয়স বঢ়াৰ লগে লগে ইয়াৰ কিছু নেতিবাচক দিশো আছে৷ বহু দম্পতিয়ে প্ৰথমে এই পথ বাচি ললেও পাছত সন্তান লোৱাৰ কথা ভাৱে৷ এইক্ষেত্ৰত কিছু সমস্যাই দেখা দিব পাৰে৷ ৩৫ বছৰৰ পাছত গৰ্ভধাৰণৰ ক্ষেত্ৰত শাৰীৰিক জটিলতা আৰু খৰচ বাঢ়ি যায়৷ ফলত সিদ্ধান্ত লোৱাৰ পূৰ্বে ভৱিষ্যতৰ কথা ভৱা জৰুৰী৷ শেষ পৰ্যন্ত DINK হওক বা সন্তানসহ জীৱন সকলো নিৰ্ভৰ কৰে ব্যক্তিগত পছন্দ৷ পৰিস্থিতি আৰু জীৱনৰ অগ্ৰাধিকাৰৰ ওপৰত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
