জীৱিত ব্যক্তি মৃত ঘোষণাৰ পাছত এইবাৰ মহিলাৰ পেটত এৰিলে টাৱেল, ঘটনা একে ৰাজ্যৰে
সদ্যহতে দেশ জুৰি চাঞ্চল্যৰ সৃষ্টি কৰা এটা ঘটনা। এগৰাকী জীৱিত ব্যক্তিক মৃত বুলি ঘোষণা কৰাৰ লগতে মৰণোত্তৰ পৰীক্ষাৰো ৰিপোৰ্ট দাখিল কৰে। লগতে ৪ ঘণ্টা ধৰি অতিকে শীতল মৰ্গতো ৰাখি থয় জীৱিত লোগগৰাকীক। পাছে এইবাৰ সেই ঘটনাৰ পাছত আন এক চাঞ্চল্যকৰ ঘটনা পোহৰলৈ।
এইবাৰ মহিলাৰ পেটত টাৱেল এৰিলে চিকিৎসকে। তাতোকৈ চাঞ্চল্যৰ কথা যে, এই দুয়োটাই ঘটনা ৰাজস্থানৰ।
ৰাজস্থানত ইটোৰ পিছত সিটোকৈ চিকিৎসকৰ গাফিলতিৰ ঘটনা পোহৰলৈ। জীৱিত যুৱকক চিকিৎসকে মৃত ঘোষণা কৰাৰ পাছত এইবাৰ যোধপুৰ অঞ্চলত পোহৰলৈ আহিছে চিকিৎসকৰ গাফিলতিৰ আন এটা গোচৰ।
ঘটনা সন্দৰ্ভত জানিব পৰা অনুসৰি, এখন চৰকাৰী চিকিৎসালয়লৈ এগৰাকী মহিলা আহিছিল চিজাৰিয়ানৰ বাবে। চিকিৎসকে মহিলাগৰাকীৰ সুকলমে অস্ত্ৰোপচাৰো কৰিছিল যদিও সেই অস্ত্ৰোপাৰৰ পাছৰে পৰা অসহ্য পেট বিষ হবলৈ ধৰে মহিলাগৰাকীৰ।
কাৰণ মহিলাগৰাকীৰ পেটত টাৱেল এৰে চিকিৎসকে। এই বিষয়ে মহিলাগৰাকীয়ে অস্ত্ৰোপচাৰৰ ৯০ দিনৰ পিছতহে জানিব পাৰে। বৰ্তমানে মহিলাগৰাকীয়ে এই ঘটনাত অসন্তুষ্টি প্ৰকাশ কৰি আদালতত এজাহাৰ দাখিল কৰিছে।
তথ্য অনুসৰি এই সমগ্ৰ ঘটনাটো সংঘটিত হৈছিল ১ জুলাইত যেতিয়া মহিলাগৰাকীয়ে প্ৰসৱৰ বাবে কুচামানৰ চৰকাৰী চিকিৎসালয়ত উপস্থিত হৈছিল। অস্ত্ৰোপচাৰৰ পিছত মিহালৰ পেটত অহৰহ বিষ হৈছিল যাৰ বাবে চৰকাৰী আৰু কুচামানৰ বহু ব্যক্তিগত চিকিৎসালয়ত চিকিৎসা কৰিছিল।
কিন্তু প্ৰতিবাৰেই তেওঁক ঘৰলৈ পঠিয়াই দিয়া হৈছিল সাধাৰণ পেটৰ বিষ বুলি। অৱশেষত যোধপুৰ এইমছত স্বাস্থ্য পৰীক্ষাৰ অন্তত ধৰা পৰে মহিলাগৰাকীৰ পেটত টাৱেল থকাৰ কথা।
যোধপুৰ এইমছত চিটি স্কেন আৰু আল্ট্ৰাছাউণ্ডৰ দ্বাৰা পেটত টাৱেলৰ উপস্থিতি নিশ্চিত হয়। জানিব পৰা মতে, টাৱেলৰ বাবে মহিলাগৰাকীৰ অন্ত্ৰৰ ক্ষতি বহু হৈছে। চিকিৎসকে তেওঁক আগন্তুক কেইবামাহো কেৱল তৰল পদাৰ্থ গ্ৰহণ কৰিবলৈ পৰামৰ্শ দিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
