‘এয়া প্ৰতাৰণা নহয়, এয়া প্ৰেম’ কিয় ক’লে গোবিন্দাই?

কোমল ৰাণী স্বৰ্ণকাৰ, এই নামটো হঠাতে বলীউডত চৰ্চিত হৈ পৰিছে। ইয়াৰ কাৰণ বলীউডৰ ‘হিৰো নম্বৰ ১’ গোবিন্দ। শেহতীয়াকৈ ৬২ বছৰীয়া অভিনেতাগৰাকীয়ে নিজৰ কামবেক ছবিৰ কথা ঘোষণা কৰে। গোবিন্দৰ আগন্তুক ছবি “ৰূপা”ৰ নায়িকা হিচাপে দেখা যাব কোমল ৰাণী স্বৰ্ণকাৰক। শেহতীয়াকৈ মুম্বাই বিমানবন্দৰত গোবিন্দ আৰু কোমলক একেলগে দেখা গৈছিল। এয়া সাধাৰণ কথা যেন লাগিলেও গোবিন্দই শেহতীয়াকৈ দিয়া এক সাক্ষাৎকাৰত তেওঁৰ কথিত প্ৰেমৰ সম্পৰ্কক লৈ এক অদ্ভুত বক্তব্য আগবঢ়ায়। তেওঁৰ পত্নী সুনীতা আহুজাইও গোবিন্দক “বিনাশ কালে বিপৰীত বুদ্ধি” বুলি উল্লেখ কৰিছে। এতিয়া ছ’চিয়েল মিডিয়াত জল্পনা-কল্পনা চলিবলৈ আৰম্ভ কৰিছে যে গোবিন্দৰ হয়তো কোমল ৰাণীৰ সৈতে প্ৰেমৰ সম্পৰ্ক আছে!

“এয়া প্ৰতাৰণা নহয়, এয়া প্ৰেম।”

শেহতীয়াকৈ “হিৰো নং ১” গোবিন্দৰ পত্নী সুনীতাই বাৰে বাৰে স্বামীক আন মহিলা আৰু সহ অভিনেত্ৰীৰ সৈতে প্ৰেমৰ সম্পৰ্ক ৰখাৰ অভিযোগ উত্থাপন কৰি আহিছে। ইফালে, ANIৰ সৈতে হোৱা এক সাক্ষাৎকাৰত গোবিন্দই কয় যে তেওঁ-৩৩ বা ৩৪ বছৰ বয়সলৈকে “নিৰীহ” আছিল, আৰু এতিয়া তেওঁৰ বোকাময় যৌৱনত খোজ দি লাজ অনুভৱ কৰিছে। লগতে অভিনেতাগৰাকীয়ে কয় যে-মিঠাইৰ দোকানত থাকি ভোকত ওলাই আহিলে কিমান দুখ লাগে? তেওঁ লগতে কয়, “এয়া প্ৰতাৰণা নহয়, এইটো প্ৰেম।” গোবিন্দ আৰু কোমল ৰাণীক কেৱল “ৰূপা”তেই নহয়, ছুপাৰষ্টাৰ অভিনেতাগৰাকীৰ আগন্তুক প্ৰজেক্ট “দুনিয়াদাৰী “তো একেলগে দেখা যাব বুলিও চৰ্চা হৈছে। অৱশ্যে এতিয়ালৈকে এই সন্দৰ্ভত কোনো আনুষ্ঠানিক ঘোষণা হোৱা নাই।

গোবিন্দৰ পত্নী সুনীতাৰ কি মন্তব্য?

যি সময়ত গোবিন্দ আৰু কোমল ৰাণীৰ ছবি যুটিটো বাতৰিৰ শিৰোনামত আছে, সেই সময়তে মুম্বাইত দেখা গ’ল গোবিন্দৰ পত্নী সুনীতা আহুজাকো । পাপাৰাজীয়ে লগে লগে তেওঁক গোবিন্দৰ কথা সুধিলে। নিজৰ সাধাৰণ শৈলীত সুনীতাই অতি স্পষ্টভাৱে ক’লে, “আপুনি কেতিয়াবা এই কথা শুনিছেনে যে ‘ধ্বংসৰ সময়ত বুদ্ধিয়ে বিপৰীত দিশত কাম কৰে?’ তেওঁৰ বুদ্ধিমত্তা নষ্ট হৈ গৈছে, সেইবাবেই তেওঁ এই সকলোবোৰ কৰি আছে। শেহতীয়াকৈ এক সাক্ষাৎকাৰৰ পিছত ছ’চিয়েল মিডিয়াত ট্ৰ’ল কৰা হৈছিল গোবিন্দক। তেওঁক টেগ কৰা হৈছিল “চিটাৰ নম্বৰ ৱান” বুলি। উত্তৰত সুনীতাই কয়, “মই গোবিন্দৰ অনুৰাগীক এই প্ৰশ্নটো সুধিব বিচাৰো যে যেতিয়াই মই কিবা কওঁ তেতিয়াই সকলোৱে মোক ট্ৰ’ল কৰে। এতিয়া মই বিচাৰো গোবিন্দৰ অনুৰাগী আৰু সংবাদ মাধ্যমে উত্তৰ দিয়ক। মোক সুধিব নালাগে, মই আগ্ৰহী নহয়।”

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ